web counter
LEXO PA REKLAMA!

SHKARKO APP

App Store
Google Play

ZYRTARE/ Klubi i Premier League shkarkon trajnerin

2 Nëntor 2025, 13:55, Sport CNA

ZYRTARE/ Klubi i Premier League shkarkon trajnerin

Aventura e Vitor Pereirës në drejtimin e Wolves ka përfunduar zyrtarisht. Klubi anglez njoftoi shkarkimin e trajnerit portugez pas humbjes së thellë 3-0 ndaj Fulham, rezultat që erdhi pas një serie negative ndeshjesh dhe që përkeqësoi ndjeshëm situatën e skuadrës në renditje. Me këtë humbje, Wolves zbriti në vendin e fundit të Premier Ligës, me vetëm dy pikë të grumbulluara.

Vitor Pereira mori drejtimin e Wolves në dhjetorin e vitit të kaluar, me synimin për të rikthyer stabilitetin dhe rezultate pozitive.

Në shtator, ai nënshkroi një kontratë të re trevjeçare, si shenjë besimi nga drejtuesit e klubit. Megjithatë, rezultatet në fushë nuk pasqyruan pritshmëritë. Skuadra pësoi 8 humbje në ndeshjet e para të kampionatit, duke treguar mangësi në të dyja fazat e lojës, në mbrojtje dhe në sulm.

Pas një fillimi të tillë zhgënjyes, drejtuesit e klubit vendosën të ndërhyjnë. Në një komunikatë të shkurtër zyrtare, Wolves njoftoi ndërprerjen e menjëhershme të bashkëpunimit me trajnerin portugez, ndërsa falënderoi Pereirën për punën e bërë gjatë qëndrimit të tij.

Deri në emërimin e trajnerit të ri, skuadra do të drejtohet përkohësisht nga ndihmëstrajneri aktual dhe stafi teknik.

Ndërkohë, mediat britanike raportojnë disa kandidatë të mundshëm për stolin. Emri më i përfolur është ai i Ole Gunnar Solskjaer, i cili është i lirë pas largimit nga Beshiktash.

Në listë përmendet edhe Erik ten Hag, që u shkarkua së fundmi nga Leverkusen, si dhe Brendan Rodgers, që dha dorëheqjen nga Celtic pak ditë më parë.





Lajmet e fundit nga