web counter
LEXO PA REKLAMA!

SHKARKO APP

App Store
Google Play

Zërat për largim, Asani del me reagim dhe sqaron të ardhmen

3 Shkurt 2026, 16:40, Sport CNA

Zërat për largim, Asani del me reagim dhe sqaron të ardhmen

Jasir Asani ka shuar të gjitha zërat për një largim të mundshëm nga klubi iranian, Esteghlal.

Përmes një reagimi në rrjetet sociale, sulmuesi i Kombëtares konfirmoi se do të vijojë qëndrimin e tij në Teheran.

Ai njoftoi se pas një bisede me trajnerin, të dy palët kanë rënë dakord për të bashkëpunuar drejt objektivave të klubit. Ish-lojtari i Partizanit siguroi se nuk ka ndërmend të transferohet në asnjë ekip tjetër gjatë kësaj merkatoje.

Asani kërkoi mbështetjen e tifozëve për të treguar vlerat e tij më të mira në fushë gjatë pjesës së mbetur të sezonit.

Që nga gushti i vitit 2025, 29-vjeçari ka treguar një formë të shkëlqyer me 11 gola të shënuar në 24 ndeshje. Ky konfirmim vjen si një lajm i rëndësishëm për ekuilibrat e sulmit të skuadrës iraniane.

Postimi i Asanit:

Tifozë të dashur dhe besnikë të Esteghlalit,

Ditën që mora ofertën e Esteghlalit,  ndjeva pasionin dhe entuziazmin tuaj, zgjodha këtë ekip me gjithë zemër për të qëndruar pranë jush dhe për të luftuar për suksesin.

Këto ditë kam dëgjuar thashetheme të ndryshme për largimin tim, por e vërteta është se kam folur me trajnerin dhe i kemi premtuar njëri-tjetrit se do të luftojmë së bashku për qëllimet tona, përkrah jush dhe me mbështetjen tuaj.

Jam këtu për dashurinë dashurisë suaj dhe do të qëndroj me Esteghlalin derisa të arrijmë një sukses të madh. Nuk do shkoj askund.

Ju kërkoj vetëm të vazhdoni ta mbështesni ekipin, lojtarët dhe trajnerin tonë, i cili punon pa u lodhur dhe me pasion çdo ditë. Besoni tek unë, së bashku do të kemi sukses. Vetëm Esteghlal.





Lajmet e fundit nga