web counter
LEXO PA REKLAMA!

SHKARKO APP

App Store
Google Play

Tre skenarë që diskutohen për përjashtimin e Iranit nga Botërori 2026

9 Mars 2026, 08:36, Sport CNA

Tre skenarë që diskutohen për përjashtimin e Iranit nga

Pjesëmarrja e Iranit në Botërorin 2026 është bërë e pasigurt për shkak të tensioneve të mëdha politike dhe ushtarake në Lindjen e Mesme. Sipas analizave të bëra nga ekpertë të huaj të futbollit, kjo situatë ka krijuar një problem serioz për FIFA-n, e cila duhet të vendosë si të veprojë nëse Irani nuk mund të marrë pjesë.

Arsyet kryesore janë situata e brendshme politike dhe pasiguria në rajon, por edhe vështirësia diplomatike dhe probleme me vizat për hyrjen në SHBA, si një nga vendet organizatore.

Irani tashmë është kualifikuar për Botërorin 2026, por zhvillimet e fundit kanë vënë në pikëpyetje nëse skuadra do të marrë pjesë realisht në turne.

Sipas analizave dhe rregullave të FIFA-s, ekzistojnë disa mundësi nëse Irani nuk merr pjesë:

-Zëvendësimi i Iranit me një ekip tjetër nga Azia.

-Grupi të vazhdojë me vetëm 3 skuadra (Belgjika, Egjipti dhe Zelanda e Re).

-FIFA të organizojë një proces të veçantë për të zgjedhur një zëvendësues.

Në disa skenarë të diskutuar, ekipet si Iraku ose Emiratet e Bashkuara Arabe mund të jenë kandidatë për të marrë vendin e Iranit.

Përjashtimi ose tërheqja e Iranit do të krijonte disa probleme, nga precedenti politik në futbollin ndërkombëtar e deri në tensione mes federatave dhe qeverive përkatëse.

Për këtë arsye, FIFA po përpiqet të shmangë një skenar ku një ekip i kualifikuar përjashtohet nga turneu për arsye politike./CNA





Lajmet e fundit nga