web counter
LEXO PA REKLAMA!

SHKARKO APP

App Store
Google Play

Takim me historinë, Kosova publikon listën për duelet ndaj Sllovenisë dhe Zvicrës

7 Nëntor 2025, 15:29, Sport CNA

Takim me historinë, Kosova publikon listën për duelet ndaj

Përfaqësuesja e Kosovës po hyn në një moment historik të fushatës kualifikuese për Botërorin 2026, me mundësinë reale për të siguruar për herë të parë pjesëmarrjen në fazën “play-off”. Trajneri Franko Foda ka bërë publike listën e futbollistëve të grumbulluar për ndeshjet e nëntorit, duke shuar çdo dilemë mbi përbërjen e skuadrës që do të përballet me Slloveninë dhe Zvicrën.

Në listën kryesore janë përfshirë 28 lojtarë, ndërsa 11 të tjerë janë mbajtur në listën e zgjeruar për çdo rast emergjence. Një lajm i rëndësishëm është rikthimi i kapitenit Amir Rrahmani, i cili pas një periudhe mungese rikthehet për të udhëhequr repartin e mbrojtjes. Ai do të ketë në krah emra të njohur si Mërgim Vojvoda, Fidan Aliti dhe Lumbardh Dellova.

Mesfusha dhe sulmi përfshijnë disa nga lojtarët më me përvojë e me ndikim, përfshirë Valon Berishën, Elvis Rexhbecajn, Edon Zhegrovën, Milot Rashicën, Florent Muslijën dhe golashënuesin kryesor, Vedat Muriqin.

Skuadra do të grumbullohet më 10 nëntor, ndërsa do të zhvillojë përgatitjet për ndeshjen e parë kundër Sllovenisë, e cila do të luhet më 15 nëntor në transfertë. Tri ditë më vonë, më 18 nëntor, Kosova do të përballet me Zvicrën në stadiumin “Fadil Vokrri” në Prishtinë, në atë që mund të jetë një ndeshje vendimtare për historinë e saj.

Aktualisht, Kosova renditet në vendin e dytë të grupit me 7 pikë dhe mban një pozicion që i siguron kualifikimin në fazën “play-off”. Një barazim në ndeshjen e parë ndaj Sllovenisë do të ishte i mjaftueshëm për ta vulosur këtë arritje, ndërsa një fitore do t’i jepte skuadrës së Fodës një shtysë edhe më të madhe në renditje.

LISTA: 

Takim me historinë, Kosova publikon listën për duelet ndaj





Lajmet e fundit nga