web counter
LEXO PA REKLAMA!

SHKARKO APP

Simeone: Jam gjithmonë nervoz përpara derbit, pas ardhjes sime Atletico ndryshoi shumë

28 Shtator 2024, 15:03, Sport CNA
Simeone: Jam gjithmonë nervoz përpara derbit, pas ardhjes sime
Diego Simeone

Trajneri i Atletico Madrid, Diego Simeone tha në konferencën për mediet në prag të derbit ndaj Real-it, se gjithmonë është nervoz.

Ai deklaroi se jo vetëm para derbit, por përpara çdo ndeshje ka një përzierje emocionesh.

"Jam gjithmonë nervoz, i shqetësuar, i emocionuar, i lumtur...Me të gjitha pritshmëritë që një ndeshje krijon tek unë. Që kur erdha te Atletico në ndeshjen e parë kundër Malaga-s, kjo gjë nuk më ka ndryshuar"-tha fillimisht ai.

Ndërsa më tej, ai shtoi se që nga momenti kur ai mori drejtimin e Atletico-s, gjithçka ka ndryshuar.

“Që nga ardhja ime deri në këtë moment, gjithçka ka ndryshuar shumë. Klubi po rritet ashtu siç është rritur dhe ekipi”-deklaroi Simeone.

Atletico-Real do të përballen këtë të dielë në orën 21:00 në “Metropolitano Stadium”, për llogari të javës së tetë të La Liga./CNA

 





Lajmet e fundit nga