E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shpërthen Olsi Rama: Nuk ndodh në asnjë kampionat, Egnatia-Partizani s'duhej të luhej menjëherë

23 Nëntor 2023, 15:31, Sport CNA

Egnatia dhe Partizani u ndalën në barazim 1-1, rezultat që u vendos përpara se të ndërpritej ndeshja për tragjedinë e Duamena-s. Të kuqtë vijojnë kështu ecurinë pa humbje duke mbajtur sërish vendin e dytë me pikë të barabarta me rrogozhinasit kryesues. Pas ndeshjes drejtori i Partizanit, Olsi Rama dha prononcimin e tij për "MCN TV".

“Dua të kujtoj me respekt Duamena-n për atë që i dha futbollit shqiptar. Ishte një ndeshje që nuk duhet të luhej këtu. Në asnjë kampionat ku futbolli respektohet, ndeshjet që anulohen nuk luhen menjëherë, por duhet luajtur java tjetër sipas protokollit. Duhet të luanim ndeshjen e javës së 14-të, pastaj këtë ndeshje.

Kishim limitime në ndërrime pasi kishim dëmtime. Luanim me emergjencë dhe përfunduam me 9 lojtarë. Barazimi është i drejtë. Bytyçi e ka gjurin e mpirë akoma dhe nuk e dimë ende. Preka ka shkuar me emergjencë në spital për të bërë një grafi në shpatull.

Që në momentin që Demi i dha detyrën, Abilaliaj ka qenë trajneri i Partizanit, për mua ashtu ka qenë. I kam uruar suksese dhe shpresoj në ecuri pozitive.

Ky është futbolli, dy pritjet e Qirkos ishin në pozitë "offside" të Egnatias. Edhe në pjesën e dytë bëri pritje të bukura, për atë punë është marrë dhe me vjen mirë që po tregon vlerat e veta.

Duhet të kishit parë emocionin te lojtarët, tek Egnatia kishte lot. Do ta kujtojmë përgjithmonë. Nga ana etike duhet të luanim përpara një ndeshje tjetër. Nuk kam parë një kampionat serioz ku për çdo lloj arsye anulohet java e më pas vazhdon po e njëjta javë.

Nuk mund të them që jemi dy skuadrat me diferencë nga të tjerat. Egnatia po bën rritje të programuar. Shpresoj të kujdesen mirë për këtë në fushë. Por, është edhe Tirana gjithmonë në luftë, Skënderbeu e Laçi. Klasifikimi reflekton këto javë të kampionatit. Shpresoj që Dinamo të rigjejë ecuri të mirë që të mos notojë në ato ujëra. Quhet 'Nëndetësja' dhe shpresoj të përparojë në renditje pasi i duhet kampionatit shqiptar.”