web counter
LEXO PA REKLAMA!

SHKARKO APP

App Store
Google Play

E fundit!

x

Pioli kthen “fokusin” në Champions: Ne duhet të kalojmë, do të japim gjithçka

5 Mars 2023, 12:48, Sport CNA

Milani pësoi një humbje më se të merituar mbrëmjen e djeshme, teksa u mund me rezultatin 2 me 1, në “Artemio Franchi”, nga “violat” e Fiorentinës, në përballjen e vlefshme për Kampionatin italian të futbollit, Serie A.

I zhgënjyer jo pak nga performanca e “kuqezinjve” ishte dhe tekniku italian Stefano Pioli, i cili për mikrofonat e kanalit zyrtar të klubit tha se fatkeqësisht nuk ishte mbrëmja e tyre me fat.

“Fiorentina bëri më mirë se ne në pjesën e parë për nga intensiteti, cilësia, duelet e fituara. Pra ishte një pjesë e parë e vështirë dhe më poshtë se ajo që prisnim. Pas golit të pësuar nga penalltia ai sigurisht që na goditi, ne ia dolëm mirë sepse arritëm të “barazonim” me dy raste të rëndësishme dhe ndoshta të ndryshonim lojën. Fatkeqësisht nuk ishte mbrëmja jonë më e mirë, sa keq”,- është shprehur tekniku italian.

Pioli gjithashtu foli dhe për ndeshjen e së mërkurës mbrëma ndaj Tottenham e vlefshme për raundin e 1/16-ve, të Uefa Champions League, ku tregoi pritshmëritë e tij për përballjen decisive të ecurisë së tyre në kompeticion më të rëndësishëm për klubet europiane.

“Ne nuk do të marrim asgjë nga kjo lojë, sido që shkojë. Është një kompeticion tjetër, një ndeshje e vetme, do të përballemi me një kundërshtar me të cilin u përballëm pak më parë dhe që e njohim mirë. Tottenham gjithashtu vjen nga dy humbje radhazi, por në këto ndeshje nuk ka rëndësi se si arrini atje. Ne duhet të kalojmë dhe duhet ta bëjmë atë përmes një loje me përmbajtje, cilësi, intensitet, energji dhe gjithçka që kemi”,- është shprehur Pioli. 





Lajmet e fundit nga