web counter
LEXO PA REKLAMA!

SHKARKO APP

Ndryshon situata, Trashi rikthehet te Flamurtari

31 Mars 2026, 15:57, Sport CNA

Ndryshon situata, Trashi rikthehet te Flamurtari

Lorenc Trashi është rikthyer në Vlorë duke respektuar urdhrin e klubit të datës 24 mars. Ai ka dalë në stërvitje dhe është vendosur në dispozicion të trajnerëve Andi Ribaj dhe Lejdi Liçaj, por nuk do të stërvitet me grupin.

Futbollisti do të vijojë përgatitjet individualisht sipas një programi të përcaktuar nga klubi. Trashi është i pezulluar përkohësisht dhe duhet të marrë pjesë në të gjitha aktivitetet dhe kontrollet mjekësore të kërkuara.

Mosrespektimi i këtyre detyrimeve do të konsiderohet shkelje e kontratës. Ai është përjashtuar përkohësisht nga ndeshjet zyrtare dhe nga stërvitjet me ekipin e parë deri në përfundimin e verifikimeve.

Gjatë kësaj periudhe, lojtari duhet të respektojë konfidencialitetin dhe të mos komunikojë me mediat pa autorizim.

Në mungesë të tij, shiriti i kapitenit pritet t’i kalojë Denis Pjeshkës, i cili është rikthyer nga dëmtimi dhe pritet të luajë nga minuta e parë ndaj Tiranës.





Lajmet e fundit nga