web counter
LEXO PA REKLAMA!

SHKARKO APP

App Store
Google Play

E fundit!

x

Foda beson te kualifikimi i Kosovës në Botëror: Turqia e fortë, shanset janë 50-50

30 Mars 2026, 15:51, Sport CNA

Foda beson te kualifikimi i Kosovës në Botëror: Turqia e

Trajneri i Kosovës, Franco Foda, ka deklaruar se skuadra e tij beson në kualifikimin për në Botërorin 2026 para finales së “play-off”-it ndaj Turqisë.

Në konferencën për shtyp, ai e cilësoi kundërshtarin si shumë të fortë, duke përmendur lojtarë si Yildiz, Guler dhe Calhanoglu.

Sipas tij, shanset për kualifikim janë të barabarta, 50-50. Foda theksoi se Kosova ka arritur me meritë në këtë fazë dhe do të japë maksimumin për fitore.

“Ekipi i Turqisë është shumë i fortë edhe në aspektin e lojtarëve individual si Yildiz, Guler e Calhanoglu, janë me kualitet, por edhe ne jemi të mirë. Jemi në finale me plot meritë, shanset janë 50-50. Ne do të japim gjithçka për të fituar.

Padyshim që shihet se është ngjarje shumë e rëndësishme. Po luajmë për kualifikimin në Botëror. Është mirë që jemi të motivuar, por ta mbajmë “kokën në vend”.

Natyrisht nuk do të zbuloj taktikën që do ta zbatoj në lojë. E rëndësishme është që i njohim forcat dhe dobësitë e Turqisë. Nesër të performojmë me idetë dhe parimet tona. Turqia është e fortë si në lojë ashtu edhe në kombinime. Loja e tyre bazohet në pasime të shkurtra, por me rëndësi është që kur ta kemi topin të kthehemi në kundërsulm.

90 apo 120 minuta? Nuk jam parashikues i të ardhmes, ndoshta do të ketë edhe penallti. Me rëndësi është që jemi të përgatitur për të gjitha mundësitë”, deklaroi Foda.

Ndeshja Kosovë-Turqi, do të luhet të martën e 31 marsit në Prishtinë, duke nisur nga ora 20:45.





Lajmet e fundit nga