web counter
LEXO PA REKLAMA!

SHKARKO APP

App Store
Google Play

E fundit!

x

Ndryshon mbrojtja dhe sulmi, formacioni i mundshëm i Shqipërisë ndaj Letonisë

9 Qershor 2025, 20:57, Sport CNA

Ndryshon mbrojtja dhe sulmi, formacioni i mundshëm i Shqipërisë

Shqipëria do të luajë të martën ndaj Letonisë. Në stërvitjen e fundit të zhvilluar në Riga, grupi ishte i plotë, me përjashtim të Arlind Ajetit. Mbrojtësi nuk u stërvit me pjesën tjetër të ekipit, por ishte i veçuar.

Nuk dihet nëse bëhet fjalë për një dëmtim, apo thjesht ka ndjerë lodhje nga ndeshja me Serbinë, ku ishte titullar dhe luajti për të gjithë ndeshjen.

Në prapavijë do të mungojë edhe Berat Gjimshiti, i cili ka plotësuar numrin e kartonëve.

Sa i përket formacionit, në portë do të jetë Thomas Strakosha, ndërsa nuk priten ndryshime as në krahët e mbrojtjes, ku do të jenë Mitaj në të majtë dhe Hysaj në të djathtë.

Ndryshon mbrojtja dhe sulmi, formacioni i mundshëm i Shqipërisë

Në qendër me shumë mundësi do të luajnë Ismajli dhe Kumbulla, me Adrian Bajramin, i cili duket se edhe këtë ndeshje do e ndjekë nga stoli.

Në mesfushë nuk do të ketë ndryshime, ku priten Asllani, Laçi dhe Shehu, ashtu si ndaj Serbisë. Dilemat më të mëdha janë për sulmin, aty ku trajneri Silvinjo duket i pavendosur.

Në ndeshjen e kaluar, në qendër luajti Manaj, por humbja e penalltisë dhe gjendja psikologjike, mund të bëjnë që ai të ulet në stol.

Gjasat janë që në krye të jetë Mirlind Daku, i mbështetur nga Broja në të djathtë dhe ndoshta Hoxha ose Muçi në të majtë.

Dilemat do të shuhet para ndeshjes, ku trajneri do të zbulojë edhe formacionin zyrtar.





Lajmet e fundit nga