web counter
LEXO PA REKLAMA!

SHKARKO APP

App Store
Google Play

Mungon rinovimi i Maignan, Milani mendon për Alisson

10 Dhjetor 2025, 18:50, Sport CNA

Mungon rinovimi i Maignan, Milani mendon për Alisson

Milani po hyn në një periudhë vendimtare sa i përket një prej pozicioneve më të rëndësishme në skuadër: portës. E ardhmja e Mike Maignan është kthyer në një çështje të hapur, pasi portieri francez ka kontratë deri në qershor të vitit 2026, por rinovimi i tij është bllokuar prej muajsh.

Negociatat mes palëve nuk kanë prodhuar ndryshim dhe sipas raportimeve, diferencat ekonomike dhe kërkesat e ndryshme për projektin sportiv kanë krijuar një distancë të konsiderueshme. Në mungesë të progresit, drejtuesit kuqezi kanë nisur të shqyrtojnë opsione të tjera për sezonin e ardhshëm.

Emri më i bujshëm që është futur së fundmi në listë është ai i Alisson Becker, portierit të Liverpoolit. Sipas Sky Sport, Milani ka nisur kontaktet e para me përfaqësuesit e lojtarit për të kuptuar situatën dhe mundësinë e një operacioni në verë.

Alisson ka kontratë me klubin anglez deri në vitin 2027, por Liverpuli mund të konsiderojë shitjen e tij nëse nuk parashikohet rinovimi i marrëveshjes aktuale. Megjithatë, pista paraqitet shumë e komplikuar.

Pengesat kryesore lidhen me çmimin dhe pagën e lojtarit. Edhe pse Alisson ka mbushur 33 vjeç, klubi anglez nuk ka ndërmend ta shesë për një shifër të ulët, duke kërkuar një ofertë të rëndësishme për të lejuar largimin.

Gjithashtu, portieri brazilian përfiton mbi 8 milionë euro në sezon, një pagë që tejkalon kufijtë standardë të politikës financiare të Milanit. Për këto arsye, edhe pse profili i tij vlerësohet shumë nga kuqezinjtë, operacioni konsiderohet i vështirë dhe kërkon rrethana të favorshme për të marrë formë.





Lajmet e fundit nga