web counter
LEXO PA REKLAMA!

SHKARKO APP

App Store
Google Play

Mesfushori nderon Napolin, kampionët rikthehen te fitorja

17 Janar 2026, 20:22, Sport CNA

Mesfushori nderon Napolin, kampionët rikthehen te fitorja

Napoli u rikthye të suksesi në Serinë A, pasi triumfoi minimalisht ndaj Sassuolos në shtëpi, në duelin e javës së 21-të.

Ky triumf vjen pas tre barazimeve radhazi në kampionat, që kishin bërë që skuadra e Antonio Kontes të humbiste terren në garën për titullin kampion.

Ndeshja nisi në mënyrën më të mirë për vendasit, të cilët kaluan në avantazh që në minutën e 7-të. Stanislav Lobotka shfrytëzoi një top të mbetur në zonë dhe me një goditje volej me këmbën e djathtë e dërgoi topin në rrjetë, me ndihmën e një devijimi të lehtë.

Pas golit të pësuar, Sassuolo reagoi në mënyrë pozitive dhe u përpoq të organizonte lojën në fazën sulmuese. Napoli ishte pranë golit të dytë me një goditje me kokë të Di Lorenzos, ndërsa nga ana tjetër, miqtë rrezikuan barazimin në fundin e pjesës së parë, kur Vranks devijoi me kokë një top që përfundoi shumë pranë vijës fatale, por pa e kaluar atë.

Në pjesën e dytë, Sassuolo u shfaq më kërkues në kërkim të golit të barazimit, duke detyruar portierin Milinkoviç-Saviç të ndërhyjë pas një goditjeje të Lipanit. Pas këtij rasti, ritmi i lojës ra dhe të dyja skuadrat patën vështirësi në krijimin e rasteve të pastra shënimi, me lojën që u zhvendos kryesisht në mesfushë.

Në minutat e fundit, një gabim në pasim nga portieri Arijanet Muriç pothuajse u ndëshkua nga McTominay, i cili provoi nga distanca, por topi përfundoi jashtë. Ky episod nuk ndryshoi rrjedhën e takimit, pasi Napoli menaxhoi avantazhin deri në vërshëllimën finale.

Me këtë fitore, Napoli regjistron suksesin e shtatë radhazi ndaj Sassuolo dhe mbetet në vendin e tretë të renditjes, gjashtë pikë pas Interit kryesues.

Ndërkohë, Sassuolo vazhdon një seri negative prej shtatë ndeshjesh pa fitore në kampionat, duke mbetur në mesin e tabelës, ende në distancë të sigurt nga zona e rënies, por me presion në rritje nga skuadrat ndjekëse.





Lajmet e fundit nga