web counter
LEXO PA REKLAMA!

SHKARKO APP

App Store
Google Play

Manaj, Silvinjo dhe Lushnja! Çfarë fshihet pas penalltisë së humbur ndaj Serbisë

10 Qershor 2025, 10:45, Sport CNA

Manaj, Silvinjo dhe Lushnja! Çfarë fshihet pas penalltisë

Barazimi 0-0 me Serbinë në “Air Albania” ka lënë një shije të hidhur për tifozët kuqezi, jo vetëm për rezultatin, por sidomos për momentin që mund të kishte ndryshuar gjithçka, penalltinë e humbur nga Rey Manaj. Në një duel të mbushur me tension dhe simbolikë kombëtare, një gol ndaj Serbisë do të kishte shkruar histori.

Prej ditësh është ngritur pyetja: Pse u zgjodh pikërisht Manaj për ta gjuajtur penalltinë?! Përballë një momenti kaq të rëndësishëm, kur në fushë ishin edhe lojtarë me më shumë përvojë dhe qetësi psikologjike, trajneri Silvinjo vendosi që penalltinë ta godiste Manaj. Dhe pikërisht këtu fillojnë dilemat…

Silvinjo e pranoi publikisht se ishte ai që vendosi që Manaj ta gjuante penalltinë. Pse ky besim absolut te Manaj? A kishte ndonjë motiv tjetër?

Një fakt interesant që ka ndezur debat është se të dy, si Rey Manaj, ashtu edhe Silvinjo, janë qytetarë të Lushnjës. Silvinjo, pas marrjes së pasaportës shqiptare, u regjistrua pikërisht në këtë qytet. Një rastësi e bukur? Apo një lidhje më e thellë, që përkthehet edhe në mbështetje të veçantë në fushë?

Spekulimet nuk mungojnë. Mos ndoshta Silvinjo donte të “krijonte një legjendë lokale”, një hero lushnjar që shënon ndaj Serbisë?

Këto mbeten thjesht hipoteza, por ajo që është e sigurt është se zgjedhja e Manajt nuk ishte e rastësishme. Pyetjet janë të shumta: a ishte kjo një zgjedhje teknike, emocionale apo thjesht… një intrigë lokale me përmasa kombëtare?

Të presim në ditët në vijim për të mësuar detaje të tjera nga prapaskenat në “Air Albania”.





Lajmet e fundit nga