Ndeshje e çmendur, Argjentina përmbys shifrat

7 Korrik 2026, 17:59, Sport CNA

Kombëtarja e Argjentinës ka siguruar kualifikimin për në fazën çerekfinale të Kupës së Botës pas një fitoreje me përmbysje 3-2 ndaj Egjiptit.

Skuadra afrikane arriti të krijonte një avantazh të dyfishtë prej 0-2 falë golave të shënuar nga Ibrahim në minutën e 15-të dhe Ziko në minutën e 67-të.

Argjentina kishte shpërdoruar më herët edhe një penallti me anë të Lionel Messit në minutën e 21-të të pjesës së parë. Reagimi i kampionëve në fuqi nisi në minutën e 79-të, kur Cristian Romero ngushtoi shifrat pas një asisti të Messit.

Katër minuta më vonë, vetë sulmuesi argjentinas realizoi golin e barazimit, duke rikthyer baraspeshën në lojë. Përmbysja u vulos në minutën e 92-të të kohës shtesë përmes një goli të shënuar nga mesfushori Enzo Fernandez.

Pas këtij triumfi, Argjentina do të ndeshet në çerekfinale me fituesin e çiftit Kolumbi-Zvicër.

ARGJENTINË-EGJIPT 3-2

KOMENTI LIVE

Mbyllet ndeshja.

92’- GOOOOOL ARGJENTINA 3-2! Festë e çmendur në stadium. Enzo Fernandez përmbys rezultatin dhe i jep avantazhin Argjentinës.

84’- GOOOOOL ARGJENTINA 2-2! Lionel Messi rikthen baraspeshën, me një gjuajtje të shkëlqyer, i ndihmuar edhe nga tranversa.

79’- GOOOOOL ARGJENTINA 1-2! Christian Romero rihap sfidën, duke shënuar me kokë, pas një krosimi të marrë nga Messi.

67’- GOOOOOOL EGJIPTI 0-2! “Faraonët” janë të pandalshëm. Shënon sërish Ziko, pas asistit të marrë nga Hassan. Këtë herë nuk mund të anulohet.

60’- Arbitri thërritet nga VAR dhe anulon golin. Festa kalon tek Argjentina.

58’- Kundërsulm vrastar nga faraonët. Salah asiston në zonë dhe Ziko nuk gabon, duke dyfishuar shifrat.

50’- Messi merr një top në zonë, por nuk arrin të krijojë rrezik pasi ndalet nga mbrojtësi Rabia.

47’- Gjuajtje e fortë nga De Paul nga jashtë zone, por shkon në duart e portierit pa shumë probleme.

45'- Starton pjesa e dytë.

Mbyllet pjesa e parë.

38’- Portieri i Egjiptit i mahnit të gjithë! Shobeir bën një pritje spektakolare ndaj Julian Alvarez, për t’i mohuar golin e barazimit.

31’- Pranë golit Argjentina. Messi provon nga goditja e dënimit, por topi përplaset në shtyllë dhe shkon jashtë.

28’- Mundësi e artë shënimi për Argjentinën. Tentativa e McAllister ndalet nga portieri egjiptian.

21’- E pabesueshme! Lionel Messi humb një tjetër penallti në Botëror. Gjuajtja e sulmuesit ndalet nga portieri Shobeir.

Ndeshje e çmendur, Argjentina përmbys shifrat

19’- Penallti për Argjentinën. Tagliafico rrëzohet në zonë dhe arbitri akordon 11 metërsh.

15’- GOOOOOL EGJIPTI 0-1! Shpërthen festa e afrikanëve. Ibrahim shfrytëzon një krosim në zonë dhe zhbllokon takimin, duke ndëshkuar kampionët në fuqi.