E fundit!

19:31 Politikë

VIDEO-“Poshtë qeveria”/ Qytetarët protestojnë në Tiranë, thirrje kundër Ramës

Mijëra qytetarët ndodhen edhe këtë të mërkurë në sheshet k...

Flamurtari inauguron stadiumin me humbje, Egnatia dhe Vllaznia tregojnë forcën

28 Shtator 2025, 20:56, Sport CNA

Flamurtari inauguron stadiumin me humbje, Egnatia dhe Vllaznia tregojnë

Flamurtari ka inauguruar stadiumin me humbje. Vlonjatët u mposhtën 2-1 në shtëpi, nga Egnatia.

Takimi nisi i qetë dhe me dyluftime në mesfushë nga të dyja ekipet. Rasti i parë i rrezikshëm ishte për Egnatian në minutën e 24-t, kur Ruçi provoi me një gjuajtje pas daljes së portierit, por nuk kishte saktësinë e duhur.

Shtylla i mohoi golin dhe festën Albanezes në minutën e 28-të, ndërsa zhbllokimi do të vinte në fundin e pjesës së parë.

Ishte pikërisht Albaneze që u tregua i saktë nga penalltia, e cila shkaktoi protesta te vendasit.

Pjesa e parë u mbyll me avantazhin e rrogozhinasve, ndërsa e dyta nisi me Flamurtarin më kërkues.

Në minutën e 83-të, vlonjatët gjetën barazimin me Todoroskin, që përfundoi si duhet një aksion të shkëlqyer.

Megjithatë festa e Flamurtarit zgjati shumë pak. Vetëm 3 minuta më vonë, kampionët rikthyen avantazhin me Leo Melon.

Kjo fitore, e ngjit Egnatian ne vendin e tretë me 10 pikë, ndërsa Flamurtari renditet i parafundit me vetëm dy pikë.

Në takimin tjetër, Vllaznia triumfoi 2-0 ndaj Vorës në “Loro Boriçi”, në një ndeshje të dominuar totalisht nga shkodranët.

Kuqeblutë e nisën më kërkues nga fillimi, duke rrezikuar në disa raste me Muratajn dhe Balajn.

Sfida u zhbllokua në minutën e 27-të, kur sulmuesi Bekim Balaj u tregua i saktë nga penalltia e akorduar për prekje me dorë dhe e ndali topin në fundin e rrjetës.

Reagimi i Vorës nuk mungoi, me Vrapin dhe Repajn që provuan me dy tentativa, të cilat u ndalën me vështirësi nga portieri Pohls.

Fraksioni i dytë nisi me skuadrën mike më kërkuese, e cila iu afrua në tre raste barazimit, por portieri gjerman i Vllaznisë ishte i pakalueshëm.

Goditjen përfundimtare e dha Murataj, i cili pas një kundërsulmi të shpejtë, shfrytëzoi asistin e marrë nga Kastrati dhe e ndali topin në rrjetë, duke dyfishuar shifrat.

Minutat e mbetura ishin të qeta dhe me raste të pakta për shënim. Me këtë fitore, Vllaznia merr vendin e dytë me 10 pikë, ndërsa Vora renditet në vendin e pestë me shtatë pikë të grumbulluara.