web counter
LEXO PA REKLAMA!

SHKARKO APP

Dy kartonë të kuq, Bayern Munich shmang humbjen me 9 lojtarë

14 Mars 2026, 17:40, Sport CNA

Dy kartonë të kuq, Bayern Munich shmang humbjen me 9 lojtarë

Bayern Munich u ndal në një barazim 1-1 në transfertë ndaj Bayer Leverkusen në një ndeshje të tensionuar në Bundesligë.

Vendasit kaluan në avantazh shumë shpejt, që në minutën e 6-të me Garcian, pas një kundërsulmi dhe një devijimi që ndryshoi trajektoren e topit.

Bayern reagoi duke marrë kontrollin e lojës, por pati vështirësi për të krijuar raste të pastra për shënim. Situata u komplikua për miqtë kur Nicolas Jackson u ndëshkua me karton të kuq në minutën e 42-të.

Në pjesën e dytë, bavarezët arritën të barazojnë me një gol të Luis Díaz në minutën e 69-të. Megjithatë, edhe Díaz u ndëshkua më pas me karton të kuq, duke lënë Bayern me nëntë lojtarë në fushë.

Në minutat e fundit Leverkusen iu afrua golit të fitores, por portieri Ulreich bëri disa ndërhyrje vendimtare.

Pas këtij rezultati, Bayern ruan vendin e parë në renditje me një diferencë prej nëntë pikësh nga Dortmund i vendit të dytë. Verdhezinjtë triumfuan me rezultatin 2-0 ndaj Augsburg.

Eintracht Frankfurt triumfoi 1-0 ndaj Heidenheim, ndërsa Hoffenheim barazoi 1-1 ndaj Wolfsburg.





Lajmet e fundit nga