web counter
LEXO PA REKLAMA!

SHKARKO APP

App Store
Google Play

E fundit!

x

Dorëheqja e Hasanbelliut/ Osmani e krahason me Morattin, Shkëmbi: Je unik, u bëre prind i dytë

17 Qershor 2025, 13:49, Sport CNA

Dorëheqja e Hasanbelliut/ Osmani e krahason me Morattin, Shkëmbi: Je

Presidenti i Teutës, Edmond Hasanbelliu, është tërhequr nga drejtimi i klubit durrsak. Lajmi u bë i ditur të hënën përmes një njoftimi zyrtar nga klubi, duke i dhënë fund një periudhe 26-vjeçare në krye të Teutës.

Largimi i tij ka sjellë reagime nga disa figura të njohura të futbollit shqiptar. Ndër ta, edhe trajneri aktual i Tiranës, Bledi Shkëmbi, i cili përmes një postimi në rrjetet sociale ka ndarë vlerësimin e tij për Hasanbelliun.

“Me një çantë në dorë, zbarkova në Durrës… Ka disa njerëz në jetë që nuk janë thjesht mentorë, janë dhe prindër të dytë. Ti, President Moni, u bëre për mua një prind. Erdha në Durrës me një çantë në dorë, pa shumë njerëz që besonin se do bëhesha kush jam sot. Por ti besove. Ti nuk ishe vetëm president, ishe shembulli i njeriut të karakterit që ndoqa të bëhesha.

Pas 26 vitesh nuk e di nëse Superliga do jetë e njëjtë pa ty! Por di që, ne, unë dhe qindra të tjerë, jemi rritur me besimin dhe përkrahjen tënde. Je unik dhe faleminderit, President Moni.”, shkruan Shkëmbi.

Një tjetër reagim ka ardhur nga ish-drejtori sportiv i Vllaznisë, Tefik Osmani, i cili gjithashtu ka qenë pjesë e Teutës në karrierën e tij si futbollist.

“Presidenti që më ka mbështetur dhe më ka hapur dyert në momente të vështira të karrierës sime si futbollist. Moratti shqiptar. Faleminderit çfarë ke bërë për mua dhe për futbollin shqiptar,” ka shkruar Osmani në rrjete sociale.





Lajmet e fundit nga