web counter
LEXO PA REKLAMA!

SHKARKO APP

App Store
Google Play

Mundësia e artë për të rinjtë/ Hapen aplikimet për praktikat e punës në administratë

2 Qershor 2023, 15:58, Sociale CNA
Mundësia e artë për të rinjtë/ Hapen aplikimet për
Foto ilustruese

Ministrja e Shtetit për Rininë dhe Fëmijët, Bora Muzhaqi ka njoftuar ditën e sotme hapjen e aplikimeve për praktikat e punës në administratë.

Afati i aplikimeve shtrihet deri më datën 30 qershor 2023 dhe bëhet duke paraqitur një CV dhe letër motivimi.

Me anë të një statusi në rrjetet sociale, Muzhaqi tregon se janë 1597 vende pune vakante për të gjithë të rinjtë të moshave 21-26 vjeç, që zotërojnë minimalisht diplomën bachelor.

“U hap Thirrja VIII e Programit Kombëtar të Praktikave të Punës për të gjithë të rinjtë e moshës 21-26 vjeç për këtë vit!

Si aplikohet?

Shumë thjesht! Mjafton të bashkangjisni CV-në tuaj dhe një letër motivimi për institucionin ku dëshironi të zhvilloni praktikën 3 mujore brenda datës 30 qershor në web-in: praktika.riniafemijet.gov.al

1597 pozicione të lira.

Ju ftoj të zgjidhni pozicionin që përshtatet më shumë me profilin dhe synimet tuaja në administratën shtetërore, shoqëritë tregtare apo OJF-të.

Por mos harroni!!

Për t’u bërë pjesë e Thirrjes VIII, duhet të kesh një diplomë të vlefshme Bachelor përpara datës 1 shtator kur fillon praktika, dhe nuk duhet të kesh qenë pjesë e thirrjeve të mëparshme të këtij programi.

Link-u i aplikimit: https://praktika.riniafemijet.gov.al”, shkruan ministrja./ CNA.al





Lajmet e fundit nga