web counter
LEXO PA REKLAMA!

SHKARKO APP

App Store
Google Play

Automjeti përplasi fëmijën 3-vjeçar/ Dëshmitarja: Dëgjuam zhurma të mëdha, masa për rrugët e rrezikshme

12 Qershor 2026, 20:27, Sociale CNA

Një aksident tragjik u shënua pasditen e kësaj të premteje në Kamenicë, ku një automjet përplasi për vdekje një fëmijë 3-vjeçar dhe plagosi të emën që e shoqëronte.

Ngjarja e rëndë nuk ka kaluar pa syrin e të pranishëmve.

Një dëshmitare tregoi për mediat momentet e para të zhurmës së madhe që sinjalizoi përplasjen e rëndë, ndërsa ndau edhe disa nga çastet teksa viktima qëndronte i shtrirë në rrugë.

Ndër të tjera, theksoi se kjo pjesë e aksit është problematike, pasi çdo vit ndodhin aksidente të tilla, duke kërkuar edhe që të merren masa sa më parë.

"Dëgjova zhurmën. Sapo ikën nga shtëpia ime dhe dëgjova zhurmën që krisi, dy zhurma të mëdha krisën. E dëgjova, erdha në moment këtu, kur pashë fëmija ishte shtrirë në xhade. E ëma po qante mbi fëmijën, e mbuluar komplet me baltë.

Edhe e ndihmuam. I hodhëm ujë fëmijës, i vumë alkool që të marrë frymë, po ai nuk reagonte. Atje ishte edhe drejtuesi i mjetit. Po rrinte me ne, çfarë të bënte? Të tërë aty në kokë ishim.

Drejtuesi i mjetit tha, nuk isha me shpejtësi, nuk e di si më iku.

Unë po nuk e pashë nuk dyshoj, çfarë do dyshoj? Unë nuk isha këtu,e kam shtëpinë lart.

Nëna dhe fëmija po iknin në anë të rrugës. Iknin për në shtëpi, e kanë shtëpinë atje matanë.

Kjo rrugë është gjithmonë problem. Këtu është gjithmonë, janë bërë aksidente. Edhe vjet u bë aksident këtu më këtu më poshtë.

Si vjet këtu, një vit atje më poshtë, çdo vit. Duhen bërë pengesa",-tha dëshmitarja./CNA





Lajmet e fundit nga