web counter
LEXO PA REKLAMA!

SHKARKO APP

App Store
Google Play

E fundit!

x

“LSI ishte nyje në fyt për shqiptarët”/ Rama, në Dimal: Shyqyr që shpëtuam nga partitë e vogla

1 Maj 2025, 12:12, Politikë CNA

“LSI ishte nyje në fyt për shqiptarët”/ Rama, në

Kryeministri Edi Rama zhvilloi këtë të enjte një takim zgjedhor në qytetin e Dimalit. Në fjalën e tij, Rama u ndal në një sërë çështjesh të rëndësishme në prag të zgjedhjeve të 11 majit.

Rama theksoi se mandati i katërt duhet se ka ende shumë për të bërë për vendin dhe shtoi se këto punë nuk i bën askush tjetër veç PS-së.

Rama u shpreh se kryedemokratit i dalin 6 milionë dollarë për të pastruar tatuazhin në ballë, siç e quajti ai shpalljen ‘non grata’.

Teksa përmendi partitë e tjera në garë, Rama tha se LSI-ja, tanimë Partia e Lirisë, ishte kthyer në nyje në fyt për shqiptarët.

“Kur kam ardhur për herë të parë, këtu ishte sikur kishte rënë bomba. Këtë Dimal që është sot nuk e solli koha. Në fillim nuk kishte rrugë. Në Lushnjë merrje kthesën dhe duhet të përfundojë në spital nga dhimbja e veshkave prej rrugës së keqe.

Jo se është bërë fushë me lule. Mandati i katërt duhet se ka shumë për të bërë. Harrojeni se e bën dikush tjetër veç PS-së.

Bufi i kënetës del dhe thotë se pas 11 majit do të shkrijë SPAK-un. Kanë ndodhur para pak ditësh këto  dhe jo në shekullin XV. Paratë për të pastruar tatuazh në ballë me 6 milionë dollarë dalin, për të tjerat nuk dalin.

Do kemi pasaportën europiane për të gjithë shqiptarët. Fëmijet tanë të mos jenë më të huaj në Bashkimin Europian.

E kishim, ndjesë pastë, një LSI që na u ngatërrua nëpër këmbë dhe u kthye në nyje në fyt për shqiptarët.

Në vend që të themi shyqyr që shpëtuam nga këta peshqit e vegjël, dalin këta që thonë se do të shkojmë në zgjedhje të parakohshme”,-tha Rama./CNA





Lajmet e fundit nga