web counter
LEXO PA REKLAMA!

SHKARKO APP

App Store
Google Play

E fundit!

x

Bardhi-Koçiut: Nuk është lëmoshë minimumi jetik, por premtimi juaj i pambajtur

3 Dhjetor 2024, 11:25, Politikë CNA
Bardhi-Koçiut: Nuk është lëmoshë minimumi jetik, por
Kreu i Partisë Demokratike, Gazment Bardhi

Kreu i Partisë Demokratike, Gazment Bardhi, i është kundërpërgjigjur ministres së Shëndetësisë, e cila propozimin e opozitës për vendosjen e minimumit jetik e cilësoi lëmoshë.

Gjatë fjalës së tij në seancë plenare, Bardhi i tha mazhorancës që nëse propozimi i opozitës nuk u pëlqeu atëherë të sjellin një propozim tjetër, mjafton që shqiptarët të mos jetojnë më në varfëri.

Ndër të tjera shtoi se PS-ja i ka përdorur pensionistët çdo katër vite për t'ua marrë votën. 

"Kjo nuk quhet lëmoshë, por do të thotë të mbani premtimet që ju u keni bërë shqiptarëve para se të vinit në pushtet. Keni zvogëluar listën e ilaçeve të rimbursueshme dhe ju minimumin jetik prej 200 euro e quani lëmoshë për pensionistët që s’munden t’i blejnë ilaçet që ju duhen.

Sillni një propozim të ri për minimumin jetik dhe ne votojmë menjëherë meqë i yni nuk u pëlqeu. Mjafton që mos të mbetet shqiptar pa një minimum jetik dhe të mos jenë në varfëri ekstreme.

Filozofia juaj është mashtrim dhe njëherë në katër vite i përdorni pensionistët e ndershëm vetëm për vota dhe paratë që duhet të shkojnë për rritjen e pensioneve i fusni në gjep ju.

S’mund t’i gënjeni më pensionistët që u thoni do shohim sa do teprojnë për ju nga ato që do vjedhim ne."/CNA





Lajmet e fundit nga