web counter
LEXO PA REKLAMA!

SHKARKO APP

App Store
Google Play

"Janë ngritur kundër qeverisë me të drejtë"/ Berisha: PD nuk e ka thirrur protestën, por e mbështet

10 Qershor 2026, 13:56, Politikë CNA

"Janë ngritur kundër qeverisë me të drejtë"/

Kryetari i PD-së, Sali Berisha, ka mbajtur fjalën e tij në mbledhjen e Grupit Parlamentar.

Berisha e nisi fjalën e tij me pjesëmarrjen në konferencën e Partive Popullore Europiane (PPE), ku tha se në Sarajevë ka treguar mbështetjen e tij për protestat e zhvilluara kundër qeverisë.

Ai është shprehur se në konferencë ka denoncuar edhe gjuhën e kryeministrit Edi Rama ndaj protestuesve. Ndër të tjera, ka thënë se kjo protestë nuk është thirrur nga PD-ja, por kjo parti qëndron në mbështetje të kërkesave të protestuesve.

“Dhjetëra mijëra qytetarë janë ngritur kundër regjimit me kërkesa të drejta. Dorëheqjen e Edi Ramës dhe anulimin e atyre ligjeve që janë në shkelje të Kushtetutës, për mjedisin, trashëgiminë kulturore dhe mbrojtjen e mjedisit.

Denoncova gjuhën e Edi Ramës ndaj protestuesve. Kërcënimet, talljet, fyerjet, etiketimet që i bën protestës rinore qytetare më të fuqishme që ka njohur vendi. Kërkova nga EPP të ushtrojnë autoritetin e tyre që kriza e thellë që ka përpirë vendin të zgjidhet në mënyrë paqësore me largimin e Edi Ramës dhe ngritjen e një qeverie teknike për zgjedhje të lira. Qytetarët shqiptarë duhet të ndihmohen dhe nuk mund të përdoret dhuna ndaj tyre. Informova audiencën se kjo protestë nuk është thirrur nga PD-ja, por ne qëndrojmë në mbështetje të kërkesave të protestuesve.

Ne mbështesim largimin e Edi Ramës si një armik i egër i kombit shqiptar, i demokracisë, integrimit dhe së ardhmes së Shqipërisë. Për ne demokratët, pas Enver Hoxhës, ai është armiku më i egër i shqiptarëve në histori. Edi Rama duhet të largohet nga pushteti, nuk ka legjitimitet. Jemi krenarë se kemi arritur të rrëzojmë mashtrimin e tij për legjitimitet zgjedhor”, tha Berisha. /CNA





Lajmet e fundit nga