web counter
LEXO PA REKLAMA!

SHKARKO APP

App Store
Google Play

E fundit!

x

“Regjimi ofroi vetëm largimin nga vendi”/ Noka takim me emigrantët në Brescia

19 Janar 2025, 16:12, Politikë CNA

“Regjimi ofroi vetëm largimin nga vendi”/ Noka takim me

Sekretari i Përgjithshëm i Partisë Demokratike, Flamur Noka foli në takimin e realizuar në Brescia të Italisë me shqiptarët e Diasporës. Noka, theksoi se këto 12 vite regjim të Edi Ramës shkaktuan largimin në masë të shqiptarëve ndërsa shtoi se mundësimi i votës për Diasporës ka qenë një ndër objektivat kryesorë për PD-në.

“Privilegj të jemi mes jush këtu sot, emocion i madh të ju përcjell përshëndetjet e përzemërta për ju, nga kryetari i PD, lideri i opozitës, profesor, doktor Sali Berisha. Ne mund të jemi kombi i vetëm i cili në këto vite është shpërndarë si asnjë tjetër, ne mund të jemi kombi i vetëm i Europës që ka diasporë dyfish më shumë se sa ka banorë në vendin e origjinës.

Ne në këto 12 vite ndjejmë me dhimbje dhe shohim me një keqardhje të frikshme se si alternativa që një regjim ju ofroj shqiptarëve ishte ikja dhe largimi. Pse, a i mungojnë vendit tonë mundësitë, vendi jonë është vend i bekuar, vend që ka det, male, vend që ka pasuri dhe resurse, por vendi ynë për fat të keq ra në kthetrat e mafies. Kjo është më e rëndë se çdo rrëshqitje.

Kjo shpjegon dhe brengën tuaj, atë që mbani këtu cdo ditë. Përjetoni çdo ditë hallet e familjarëve në Shqipëri, ju punoni për veten, por mbani gjallë edhe njerëzit tuaj në Shqipëri. E kjo na bën ne të ndihemi krenarë për ju, për mbajtjen e lidhjes me atdheun.

Ne sot jemi këtu për të krijuar me ju një lidhje të re, të rëndësishmë. Jemi sot këtu ne demokratët për të ju thënë që më në fund falë këmënguljes së PD, betejës së bërë, falë presionit e drejta e votës për ju, diasporën në të gjithë botën u mundësua.

Jemi krenarë që kjo nisëm e PD u kurorëzua me sukses, sepse nuk mundet që një komb kur ka më shumë se gjysmën e tij jashtë, të mos i jepet e drejta e atij kombi të ushtrojë në mënyrë të plotë me sovranitet të drejtën e votës dhe të drejtën e zgjedhjes së qeverisë. Vota e diasporës ka qenë një nga qëllimet kryesore të PD, duke e parë si shpresën kryesorë, më të madhe për të kthyer shqipërine në ullinjt e demokraci dhe për të crrënjosur mafian nga pushteti", përfundoi Noka. /CNA

 





Lajmet e fundit nga