web counter
LEXO PA REKLAMA!

SHKARKO APP

App Store
Google Play

E fundit!

x

Vijojnë sulmet Izrael-Iran/ Dëme dhe viktima, raketa në Gjirin Persik

15 Mars 2026, 12:53, Kosova & Bota CNA

Vijojnë sulmet Izrael-Iran/ Dëme dhe viktima, raketa në Gjirin

Vijojnë sulmet mes Izraelit dhe Iranit. Pamjet e reja këtë mëngjes tregojnë dëme nga sulmet e natës në Holon, qytet në jug të Tel Avivit: një makinë e përmbysur, mbeturina të shpërndara dhe dëmtime të mëdha në ndërtesa banimi.

Shërbimi emergjent Magen David Adom (MDA) tha se trajtoi dy persona në vendngjarje për lëndime të lehta, një burrë 80-vjeçar, I lënduar nga copëzat e xhamit dhe një grua 80-vjeçare nga tymi. Disa të tjerë u ndihmuan për sulme paniku.

Ndërkohë, Forcat Izraelite goditën zona në perëndim të Iranit, dhe në Liban vazhdojnë evakuimet në jug të Bejrutit. Ndërkohë, një sulm izraelit në qytetin Sharhabil, në jug të Bejrutit, ka shkaktuar vdekjen e një personi dhe plagosjen e tre fëmijëve, sipas Agjencisë Kombëtare të Lajmeve të Libanit dhe ministrisë së shëndetësisë.

Në Gjirin Persik, shtetet arabe ndaluan raketa dhe dronë iranianë, ndërsa alarmet u ndezën edhe në Bahrain. Presidenti amerikan Donald Trump paralajmëron se nuk ka marrëveshje me Iranin, dhe qendra kryesore e naftës mund të goditet përsëri.

Ngushtica e Hormuzit mbetet një zonë e tensionuar, ndërsa vendet e rajonit shqyrtojnë opsionet për të garantuar lirinë e kalimit detar./ CNA





Lajmet e fundit nga