web counter
LEXO PA REKLAMA!

SHKARKO APP

App Store
Google Play

E fundit!

x

"Zotimet e fushatës do t’i kthejmë në program qeverisës"/ Kurti mbledh kabinetin qeveritar: Takimi do të zgjasë dy ditë

14 Mars 2026, 17:56, Kosova & Bota CNA

"Zotimet e fushatës do t’i kthejmë në program

Kryeministri i Kosovës, Albin Kurti ka mbledhur kabinetin qeveritar dhe njofton se takimi do të zgjasë dy ditë rresht.

Në postimin në rrjetet sociale, Kurti shprehet se qëllimi i takimit është që zotimet e fushatës para qytetarëve dhe ekspozenë e prezantuar para deputetëve t’i shëndërrojnë në program qeverisës.

Më tej shton se ky program do të përkthehet në “plane me projekte, qëllime me objektiva, strategji me operacione, masa me punë të përditshme që do të realizohen përgjatë këtij mandate”.

Postimi i plotë:

Në zgjedhjet e dhjetorit 2025, qytetarët na dhanë një besim të paparë në Kosovën e pasluftës. Ne kërkuam besimin qytetar për ta kthyer atë në siguri e begati. Nuk garuam me premtime që harrohen, por me zotime që jetësohen.

Në dritë të kësaj, sot kemi filluar një takim të përbashkët të kabinetit tonë qeveritar, i cili do të vazhdojë për dy ditë rresht, me qëllim që zotimet e fushatës para qytetarëve dhe ekspozenë e prezantuar para deputetëve t’i shndërrojmë në program qeverisës.

Zotime që kthehen në program dhe program që përkthehet në plane me projekte, qëllime me objektiva, strategji me operacione, masa me punë të përditshme që do të realizohen përgjatë këtij mandati.

Angazhimi, e mira e përgjithshme dhe interesi publik, zhvillimi dhe barazia, integriteti dhe dinjiteti shtetëror kanë qenë dhe do të mbeten pikënisja dhe synimi i qeverisjes sonë. /CNA

 





Lajmet e fundit nga