web counter
LEXO PA REKLAMA!

SHKARKO APP

App Store
Google Play

E fundit!

x

Trump me kërcënim të ri ndaj Iranit: Nëse nuk arrihet marrëveshje do t'i japim fund qëndrimit tonë

30 Mars 2026, 13:53, Kosova & Bota CNA

Trump me kërcënim të ri ndaj Iranit: Nëse nuk arrihet

Presidenti amerikan, Donald Trump, thotë se SHBA-ja është në diskutime serioze me një regjim të ri iranian, i cili, sipas tij, mund t'u japë fund operacioneve tona ushtarake në Iran.

Trump u shpreh se është bërë përparim i madh, por shtoi se nëse nuk arrihet një marrëveshje, SHBA do të hedhë në erë dhe do të shkatërrojë të gjitha centralet energjetike, puset e naftës dhe Ishullin Kharg.

Më tej shprehet se kjo do të jetë në shenjë hakmarrjeje për shumë ushtarë amerikanë dhe të tjerë që sipas tij janë vrarë nga regjimi i vjetër iranian.

“Shtetet e Bashkuara të Amerikës janë në diskutime serioze me një regjim të ri dhe më të arsyeshëm për t'u dhënë fund operacioneve tona ushtarake në Iran. Është bërë përparim i madh, por nëse për ndonjë arsye nuk arrihet shpejt një marrëveshje, gjë që ndoshta do të ndodhë, dhe nëse Ngushtica e Hormuzit nuk është menjëherë "e hapur për biznes", ne do ta përfundojmë "qëndrimin" tonë në Iran duke hedhur në erë dhe duke shkatërrur plotësisht të gjitha centralet e tyre të gjenerimit të energjisë elektrike, puset e naftës dhe ishullin Kharg, të cilat qëllimisht nuk i kemi "prekur" ende. Kjo do të jetë në shenjë hakmarrjeje për shumë ushtarë tanë dhe të tjerë që Irani ka masakruar dhe vrarë gjatë "Mbretërimit të Terrorit" 47-vjeçar të regjimit të vjetër”, tha Trump.

Presidenti deklaroi gjithashtu se dëshiron të marrë naftën në Iran dhe se mund të pushtojë Ishullin Kharg, qendrën e eksportit të naftës në vend. Ai u shpreh gjithashtu se besonte se Irani kishte pak ose aspak mbrojtje në ishull. Deklaratat e Trump vijnë në një kohë që ai rrit përgatitjet për përforcimin e ushtrisë amerikane në Lindjen e Mesme, ndërsa po shqyrton një operacion ushtarak për të nxjerrë qindra kilogramë uranium nga Irani. /CNA





Lajmet e fundit nga