web counter
LEXO PA REKLAMA!

SHKARKO APP

App Store
Google Play

E fundit!

x

Qeveria e Kosovës miraton propozimin për dërgimin e trupave në Gaza

30 Mars 2026, 10:42, Kosova & Bota CNA

Qeveria e Kosovës miraton propozimin për dërgimin e trupave

Qeveria e Kosovës ka miratuar propozimin e Ministrisë së Mbrojtjes për dërgimin e trupave të Forcës së Sigurisë së Kosovës në Gaza. Kryeministri Albin Kurti u shpreh në mbledhjen e kabinetit qeveritar se janë të gatshëm të ndihmojnë popullin e Gazës.

“Jemi të gatshëm të marrim pjesë dhe të ndihmojmë popullin e Gazës, sepse edhe vetë kemi qenë dhe jemi përfitues të forcave ndërkombëtare që nga viti 1999”, është shprehur Kurti.

Ndërkohë ministri i Mbrojtjes, Ejup Maqedonci, tha se tani vendimi përfundimtar mbi këtë çështje do të merret nga Kuvendi i Kosovës.

“Ministria e Mbrojtjes, mbi bazën e objektivave dhe planifikimeve strategjike për bashkëpunim me shtetet aleate, ftesës së pranuar nga Komanda Qendrore e ShBA-së më 10.12.2025 që i referohet rezolutës 2803 të Këshillit të Sigurisë të OKB-së, vullnetit politik të shprehur në Bordin e Paqes si dhe ligjeve për dërgimin e FSK-së jashtë vendit, ka iniciuar procedurat për të kërkuar nga Kuvendi i Republikës së Kosovës marrjen e vendimit për dërgimin e FSK-së jashtë vendit”, tha Maqedonci.

Ministri është shprehur gjithashtu se ky vendim forcon profilin ndërkombëtar të Kosovës dhe e vendos në radhën e vendeve që kontribuojnë për ruajtjen e paqes në botë.

“Ky vendim forcon edhe më tej profilin ndërkombëtar të shtetit tonë, afirmon profesionalizmin e FSK-së dhe e vendos republikën tonë në radhën e shteteve që jo vetëm përfitojnë nga siguria ndërkombëtare, por edhe kontribuojnë vazhdimisht në ruajtjen e paqes dhe rendit ndërkombëtar”, tha ai.

Dërgimi i trupave të FSK-së vjen në kuadër të mekanizmit të krijuar si pjesë e nismës të quajtur Bordi i Paqes, i propozuar nga presidenti amerikan, Donald Trump. Pjesë e Bordit të Paqes është edhe Shqipëria. /CNA





Lajmet e fundit nga