web counter
LEXO PA REKLAMA!

SHKARKO APP

App Store
Google Play

Shpallja e zgjedhjeve zgjat buxhetin për dy muajt e parë të 2026-tës

20 Nëntor 2025, 16:20, Kosova & Bota CNA

Shpallja e zgjedhjeve zgjat buxhetin për dy muajt e parë të

Me shpalljen e zgjedhjeve të jashtëzakonshme më 28 dhjetor, aktivizohet edhe neni 24 i Ligjit për menaxhimin e financave publike, që mundëson zgjatjen buxhetore edhe për dy muaj të vitit pasues për pagat e sektorit publik.

Sipas këtij ligji, kjo zgjatje mund të bëhet nëse zgjedhjet e përgjithshme mban më pak se katër muaj para vitit të ri fiskal, përkatësisht 1 janarit.

Kjo zgjatje dymujore “siguron një ndarje buxhetore për çdo organizatë buxhetore, që është i barabartë me 16.67 për qind të ndarjes buxhetore të siguruar për organizatën e tillë buxhetore nga ligji i ndarjeve buxhetore”, thuhet në Ligjin për menaxhimin e financave publike.

Më 20 nëntor, presidentja e Kosovës, Vjosa Osmani, caktoi 28 dhjetorin si datë për mbajtjen e zgjedhjeve pasi paraprakisht për dy herë radhazi, deputetët dështuan të zgjidhnin një ekzekutiv të ri.

Osmani, që mbajti konsultime me partitë politike, tha se në takimin e së mërkurës nuk u arrit pajtim që deputetët të zhvillonin një seancë për miratimin e zgjatjeve buxhetore, për ratifikimin e disa marrëveshjeve ndërkombëtare, buxhetet për tri komunat Prishtinë, Gjilan dhe Zubin Potok dhe buxheti për Radio Televizionin e Kosovës.

Vetë Osmani kishte shprehur shqetësim disa herë për mosmiratimin e buxhetit apo një projektligji për ndarje buxhetore, duke thënë se do të rrezikoheshin pagat e nëpunësve të sektorit publik. Ajo madje kishte thënë se do të ishte e gatshme të dërgonte në Kuvend një propozim për zgjatje buxhetore që të kishte buxhet “së paku deri në mars”./REL





Lajmet e fundit nga