web counter
LEXO PA REKLAMA!

SHKARKO APP

App Store
Google Play

E fundit!

x

Procesi gjyqësor ndaj Thaçit në Hagë/ Anulohen seancat dëgjimore për muajt nëntor dhe dhjetor

20 Nëntor 2025, 14:46, Kosova & Bota CNA

Procesi gjyqësor ndaj Thaçit në Hagë/ Anulohen seancat

Seancat dëgjimore të planifikuara për muajin nëntor dhe dhjetor për gjyqin e ish-presidentit të Kosovës, Hashim Thaçi, janë anuluar. Lajmi është njoftuar nga Dhomat e Specializuara në Hagë, ku bëhet po ashtu me dije se gjatë kësaj jave do të nxirret edhe një vendim mbi hapat e mëtejshëm në procedura.

“Pas përfundimit të Konferencës së Statusit të sotëm, ju njoftojmë se të gjitha seancat dëgjimore të planifikuara më parë për nëntor dhe dhjetor në gjyqin për Thaçin etj., janë anuluar dhe hequr nga kalendari i Gjykatës. Siç u përmend gjatë Konferencës së Statusit, trupi gjykues synon të nxjerrë një vendim mbi hapat e mëtejshëm në procedura më vonë këtë javë”, thuhet në njoftim.

Në seancat e kaluara ka dëshmuar Wesley Clark, gjeneral i pensionuar amerikan. Clark dëshmoi për dy ditë në mbrojtje të Hashim Thaçit në Hagë. Më herët në Hagë ka dëshmuar për tri ditë edhe diplomati i pensionuar amerikan, Christopher Hill.

Përveç Thaçit, gjyqi në Hagë po mbahet edhe ndaj Kadri Veselit, Jakup Krasniqit dhe Rexhep Selimit. Ata akuzohen për krime lufte dhe krime kundër njerëzimit gjatë luftës së viteve 1998-1999, kur ishin pjesë e Ushtrisë Çlirimtare të Kosovës. Që të katërt i mohojnë akuzat. /CNA

 





Lajmet e fundit nga