web counter
LEXO PA REKLAMA!

SHKARKO APP

App Store
Google Play

E fundit!

x

Orët e fundit të Samitit të NATO-s/ Stoltenberg: Do të marrim grurin nga toka dhe deti, Putini t'i ndalojë sulmet

30 Qershor 2022, 13:35, Kosova & Bota CNA
Orët e fundit të Samitit të NATO-s/ Stoltenberg: Do të
Jens Stoltenberg

Sekretari i Përgjithshëm i NATOS-s, Jens Stoltenberg, u është drejtuar gazetarëve në orët e fundit të samitit të aleancës në Madrid.

Ai tha se gjatë takimit të liderëve të NATO-s janë marrë vendime të rëndësishme, me marrëveshje për të ftuar Finlandën dhe Suedinë për t’u bashkuar me aleancën.

Stoltenberg quajti gjithashtu të rëndë krizën ushqimore e shkaktuar nga lufta, ndërsa shumë vende varen nga Ukraina për importet e grurit. Ai shtoi se Rusia vazhdon të kërkojë përfitime politike, ushtarake dhe ekonomike.

Ndër të tjera, Sekretari i Përgjithshëm i NATO-s, tha se aleatët e NATO-s kaluan kohë gjatë samitit të Madridit për të diskutuar përpjekjet për të zbutur krizën në rritje të ushqimit të shkaktuar nga lufta në Ukrainë.

“Aleanca është duke punuar për marrjen e grurit nga Ukraina nga toka dhe deti", tha ai.

Stoltenberg deklaroi se NATO po përballet me sfidën me vendosmëri, për të ruajtur paqen.

Shefi i NATO-s shtoi gjithashtu se Putini duhet të ritërheqë forcat e tij dhe të ndalojë së sulmuari një shtet demokratik./CNA.al





Lajmet e fundit nga