web counter
LEXO PA REKLAMA!

SHKARKO APP

App Store
Google Play

E fundit!

x

Lufta në Lindjen e Mesme/ Papa Leo: T’i lutemi Zotit që të pushojë zhurma e bombave dhe armët të heshtin

8 Mars 2026, 13:53, Kosova & Bota CNA

Lufta në Lindjen e Mesme/ Papa Leo: T’i lutemi Zotit që të

Papa Leo XIV ka bërë thirrje për t'i dhënë fund dhunës në Lindjen e Mesme në lutjen Angelus në Sheshin e Shën Pjetrit. 

Duke folur para rreth 15 mijë pelegrinëve të mbledhur në Sheshin e Shën Pjetrit, Kreu i Kishës Katolike Romake përmendi në veçanti dhunën, shkatërrimin dhe klimën e përhapur të urrejtjes dhe frikës në Iran dhe në të gjithë rajonin.

Ai theksoi gjithashtu frikën e tij se konflikti mund të bëjë që vendet fqinje, të tilla si Libani, të zhyten përsëri në paqëndrueshmëri. Papa Leo i ftoi dëgjuesit e tij të luteshin që të pushonte zhurma e bombave dhe armët të heshtnin.

“Le t’i drejtojmë lutjen tonë të përulur Zotit që të pushojë zhurma e bombave, që armët të heshtin dhe që të hapet hapësira për dialog, në të cilin të dëgjohen zërat e popujve”, thotë Papa Leo. 

Shqetësimin e thellë për situatën në Lindjen e Mesme dhe në Iran, Papa Leo e shprehu edhe një javë më parë, kur lufta kishte disa orë që kishte nisur. Papa paralajmëroi për një tragjedi të madhe nëse dhuna del jashtë kontrollit.

“Stabiliteti dhe paqja nuk ndërtohen me kërcënime të ndërsjella, as me armë që mbjellin shkatërrim, dhimbje dhe vdekje, por vetëm përmes një dialogu të arsyeshëm, autentik dhe të përgjegjshëm Përballë mundësisë së një tragjedie me përmasa të mëdha u drejtoj palëve të përfshira një apel të sinqertë që të marrin përsipër përgjegjësinë morale për të ndaluar spiralen e dhunës përpara se ajo të shndërrohet në një humnerë të pariparueshme” u shpreh Papa. /CNA

 





Lajmet e fundit nga