web counter
LEXO PA REKLAMA!

SHKARKO APP

App Store
Google Play

Tërmetet shkatërruese në Venezuelë/ Rritet bilanci i viktimave

6 Korrik 2026, 08:24, Kosova & Bota CNA

Tërmetet shkatërruese në Venezuelë/ Rritet bilanci i

Bilanci i viktimave nga dy tërmetet shkatërrimtare që goditën veriun e Venezuelës më 24 qershor është rritur në 3.342 të vdekur dhe 16.740 të plagosur, sipas të dhënave më të fundit të publikuara nga autoritetet venezueliane.

Qeveria bëri të ditur se operacionet e kërkim-shpëtimit kanë kaluar tashmë në fazën e nxjerrjes së trupave të pajetë, pasi shpresat për të gjetur të mbijetuar nën rrënoja janë shuar.

Ndërkohë, autoritetet nuk kanë publikuar ende numrin zyrtar të personave të zhdukur, ndërsa Organizata e Kombeve të Bashkuara vlerëson se ai mund të arrijë deri në 50 mijë, ndërsa burime të tjera flasin për rreth 10 mijë të zhdukur.

Në varrezat La Esperanza, në zonën Katia La Mar të shtetit La Guaira, janë varrosur mbi 150 viktima të paidentifikuara. Çdo varr është shënuar me një numër identifikimi dhe datën e vdekjes, në mënyrë që familjarët të kenë mundësi t'i identifikojnë më vonë.

Ekipet ndërkombëtare të shpëtimit, me mbi 4.000 efektivë nga vende të ndryshme, kanë nisur të tërhiqen, pasi misioni i tyre tani është përqendruar në nxjerrjen e viktimave nga rrënojat. Zyrtarët paralajmërojnë se dekompozimi i trupave paraqet rrezik edhe për shëndetin publik.

Presidentja në detyrë Delsy Rodríguez deklaroi se, pavarësisht kritikave për menaxhimin e krizës, nuk do të ketë trazira sociale në vend.

Dy tërmetet me magnitudë 7.2 dhe 7.5 shkaktuan dëme të mëdha në disa rajone të vendit. Sipas qeverisë, mbi 17 mijë persona kanë mbetur pa strehë, ndërsa shumë prej tyre vazhdojnë të jetojnë në rrugë ose në parqe. /CNA





Lajmet e fundit nga