web counter
LEXO PA REKLAMA!

SHKARKO APP

App Store
Google Play

Shave apo u gëzove për golin Danieles? Ja si përgjigjet Paolo Maldini

2022-11-07 21:51:00, Sport CNA
Shave apo u gëzove për golin Danieles? Ja si përgjigjet Paolo
Paolo Maldini

Ndeshja mes Milanit dhe Specias u zgjidh me një gol në minutat e fundit nga Olivier Zhiru. Por deri në ato çaste, ishte një Maldini që për pak sa nuk ndaloi ecurinë e kuqezinjve në kampionat duke larguar edhe më shumë kreun.

Daniel Maldini, djali i Paolo Maldinit dhe prodhim i akademisë kuqezi, barazoi shifrat në “San Siro” për Specian, duke krijuar në situatë të pazakontë për legjendën kuqezi i cili tashmë është drejtues i kësaj skuadre.

Sot, ai ka pranuar se përtej situatës në ndeshje, kishte ndjerë krenari si baba për të birin i cili shënoi ndaj Milanit. Duke marrë çmimin si menaxheri më i mirë i vitit në ceremoninë e “Golden Boy”, ai u ngacmua nga Alesandro Kostakurta i cili e thumboi pikërisht për episodin në fjalë. “Kur Daniel bëri golin ndaj Milanit, e shave apo ishte i lumtur?’, e pyeti duke qeshur ish-mbrojtësi kuqezi.

“Ishte e shkruar që Daniel do të shënonte ndaj Milanit. U mundova, me ndihmën e Galianit, që të mos kisha emocione. Por si baba, qartësisht isha me të vërtetë i lumtur”, ishte përgjigja që dha Paolo Maldini rreth atij momenti të pazakontë për të.





Lajmet e fundit nga