web counter
LEXO PA REKLAMA!

SHKARKO APP

App Store
Google Play

Shaqiri, rekord dhe kërcënon Brazilin: “Seleçao” ka pika të dobëta!

2022-11-28 12:16:10, Sport CNA

Xherdan Shaqiri është simboli dhe lideri absolut i Kombëtares së Zvicrës, duke qenë se në 16 ndeshjet e fundit ka qenë protagonist me 12 gola (8 realizime dhe 4 asiste).

Por mesfushori kosovar pritet që të barazojë mbrëmjen e sotme një rekord, duke i bërë së bashku me Stefan Lihshtajner e Valon Behramin, të vetmit që prekin kuotën 10 ndeshje në një Kupë Bote. Dhe duke parë eksperiencën e tij, Shaqiri nuk ka frikë që të kërcënojë Brazilin, përpara sfidës:

“E vërteta, po e pres me padurim ndeshjen me Brazilin. Në vegjëli adhuroja të shihja ndeshjet e tyre dhe ndoshta falë tyre doja që të bëhesha një futbollist profesionist.

Dhe akoma më shumë, unë mund të kem qenë ndoshta ndër të paktën në kombëtaren tonë, që u gëzova kur pashë sërish Brazilin në grupin tonë.

Gjithsesi, nesër (sot) do të zbres në fushë për t’i mundur, sepse vërtet ata kanë një grup të madh lojtarësh, por përveç mungesës së Nejmarit, Brazili ka gjithashtu pika të tjera të dobëta dhe ne duhet t’i shfrytëzojmë që të fitojmë”.





Lajmet e fundit nga