web counter
LEXO PA REKLAMA!

SHKARKO APP

App Store
Google Play

Mesi është një legjendë e gjallë, statistika të jashtëzakonshme nga “Pleshti”

2022-12-04 11:44:45, Sport CNA

Lionel Messi është një legjendë e gjallë dhe kjo s’ka diskutim. “Pleshti” mbrëmjen e djeshme ndaj Australisë zhvilloi ndeshjen numër 1000 në karrierën e tij futbollistike. Për të bërë gjithçka siç duhet, “Pleshti” arriti të shënonte gol duke ndihmuar argjentinasit të kalonin në çerekfinale.

Kapiteni i kombëtares së Argjentinës nga shumëkush konsiderohet si futbollisti më i mirë i të gjitha kohërave, por duke fituar titullin kampion bote do ta çimentonte këtë epitet. Messi filloi të luante futboll në Rosario të Argjentinës, por si fëmijë mbërriti në Barcelonë, me të cilën fitoi katër Liga të Kampionëve.

Ai gjithashtu fitoi shtatë Topa të Artë, që është një rekord në historinë e futbollit. Në ndeshjen kundër Australisë, Messi vrapoi për të 100-tën herë si kapiten i Argjentinës, për të cilin ka 169 paraqitje dhe 94 gola. Messi për 1000 ndeshje ka shënuar 788 gola, ka dhuruar 348 asistime dhe ka fituar 41 trofe.





Lajmet e fundit nga