E fundit!

07:41 ECONOMY

Albania, the fastest growing market on the Southeast European tourist map for daily rentals

In the Balkans, few tourism markets are expanding at the p...

Hidhet shorti, skuadrat e

2025-05-06 14:38:00, Sport CNA

U hodh sot në “Shtëpinë e Futbollit” shorti i fazës “Final 4” për vajza, ku u përcaktuan ndeshjet gjysmëfinale.

Shorti u drejtua nga specialisti i Departamentit të Garave në FSHF, Endi Hyka, teksa ishin të pranishëm përfaqësuesit e klubeve.

Skuadrat u ndanë në dy vazo: Vllaznia dhe Gramshi, si skuadrat e renditura më mirë në klasifikim, ishin të vendosura në vazon e parë, ndërsa Apolonia dhe Partizani, si ekipet e renditura në vendin e tretë dhe të katërt, u vendosën në vazon e dytë.

Apolonia – Vllaznia dhe Partizani – Gramshi janë çiftet gjysmëfinale të fazës “Final 4”. Ndeshjet e para do të zhvillohen në fushën e skuadrave të renditura në vazon e dytë, ndërsa ato të kthimit në fushën e skuadrave të vendosura në vazon e parë.

Në rast barazimi të rezultatit pas dy takimeve të lojës së rregullt, kualifikohet për në finalen e madhe skuadra e renditur më mirë në klasifikim.

Ndërkohë, dy ekipet që nuk kalojnë në finale do të zhvillojnë një ndeshje me një takim për të përcaktuar vendin e tretë dhe të katërt.

Ekipi kampion i Kategorisë Superiore për vajza do të përfaqësojë Shqipërinë në raundin para-eliminator të UEFA Champions League, ndërsa skuadra e renditur në vendin e dytë do të marrë pjesë në raundin para-eliminator të UEFA Women’s Europa Cup.