web counter
LEXO PA REKLAMA!

SHKARKO APP

App Store
Google Play

Sëmundjet kardiovaskulare/ Mjekja zbulon arsyet: Ja pse meshkujt janë më të rrezikuar se femrat

2023-02-01 10:22:00, Shëndeti CNA

Sëmundjet kardiovaskulare/ Mjekja zbulon arsyet: Ja pse meshkujt janë

Mjekja kardiologe, Eva Duraku, mëngjesin e sotëm ka bërë një apel drejt qytetarëve, të cilët duhet të bëjnë kujdes me faktorët që favorizojnë zhvillimin e sëmundjeve kardiovaskulare, duke shtuar më tej se vetë Shqipëria është një ndër vendet me rrezikshmëri të lartë.

E ftuar në emisionin "Panorama e Mëngjesit", Duraku u shpreh se duhet të jemi "pro" një diete të vërtëtë "mesdhetare".

“Gjenetika, dieta shumë e rëndësishme, mungesa e aktivitetit fizik. Yndyrnat e tepërta duhen shmangur e kripa është armiku kryesor. Sheqeri duhet shmangur gjithashtu. Duhet të jemi pro një diete të vërtetë mesdhetare”, u shpreh Eva Duraku.

Lidhur me grupet e rriskut, mjekja tha se janë meshkujt që preken më shumë në mënyrë globale dhe në Shqipëri, e kjo për shkak të jetës sedentare. Ndërsa femrat deri në moshën rreth 50 vjeç janë të mbrojtura sepse “kanë ciklin menstrual që i mbron deri kur kalon në menopauzë. Më tej kardiologia shtoi se femrat pas kësaj moshe afrohen shumë tek grupi i rrezikut si meshkujt.

Në apelin për qytetarët, mjekja tha se ata duhet të drejtohen te mjeku për kontrolle periodike, apo dhe kur kanë një shqetësim të vogël./CNA.al





Lajmet e fundit nga