Këtë verë. Eja në Pukë…

2022-07-29 17:44:00, Qyteti im CNA

Puka

Nëse dikur Puka i përkiste vetëm Migjenit, sot ajo më së shumti i përket turizmit. E transformuar nga themelet ajo është shndërruar në një destinacion të mirëfilltë turistik dhe jo vetëm si qytet me shëtitoren, liqenin, ushqimin bio, birrën Puka, por edhe shpellat e famshme jo larg saj. Majat e maleve dhe shtigjet, hanet dhe jeta rurale, uji dhe ajri i pastër janë arsye që të drejtojnë me kënaqësi drejt verilindjes. Rrethi i Pukës shtrihet në qendër të Veriut të Shqipërisë ndërsa klima e saj është e ashpër malore, me dimër të gjatë e të mbushur kryesisht me reshje bore e verë të shkurtër e të freskët.

Këtë verë. Eja në Pukë…

Pukën e ndan vetëm 55 km vijë ajrore nga Shkodra dhe 139 km nga Tirana. Nëse do ta bënit dikur këtë rrugë do t’ju merrte pa e tepruar ndoshta një ditë të plotë ndërsa sot ajo përshkohet për vetëm një orë e gjysëm dhe udhëtohet në mënyrë komode duke qenë se ajo është e gjitha e asfaltuar. Rruga për në Pukë është madhështore dhe të magjeps me bukurinë që të ofron pamja alpine mes malesh me kurorën e pyjeve, rrethuar mes gjelbërimit të pishave dhe kjo është ndoshta ndër të paktat zona në vendin tonë ku dora e njeriut nuk ka bërë dëm.

Këtë verë. Eja në Pukë…

Zhvillimi i qytetit dhe qasja e tij ndaj turizmit ka bërë që edhe banorë të ndryshëm të zonës të kthejnë sytë drejt këtij sektori. I tillë është rasti i Vullnetit, djalit të ri nga Puka që së bashku me familjen kanë vendosur që shtëpinë e tyre ta kthejnë në bujtinë për të mirëpritur turistët ndërsa ajo ka një kapacitet prej afro 12 shtretërish ku përmban edhe një minimuze të vogël me disa prej aseteve të zones të koleksionuara ndër vite.

Këtë verë. Eja në Pukë…

Puka mund të krenohet padyshim edhe me agroturizmin e saj dhe Hani i Përparim Laçit është një tjetër shembull se si me punë dhe vendosmëri mund të krijohet një atraksion turistik në një zonë të bekuar me bukuri natyrore. Babe e bir ishin ndër të parët sipërmarrës që besuan se Puka të ardhmen e ka të destinuat për turizem! Ata tregojnë se e nisën me nje bujtinë te thjeshtë, por sot jane kthyer nê pike referimi, ku prenotimet behën disa muaj më parë! Së fundmi iniciativa e tyre eshte pista e skive, e cila ka nis suksesshëm, por qe synon që vitet e ardhshme të jetë Kolashimi Shqiptar

Këtë verë. Eja në Pukë…

Sheshi të merr vëmendjen e tij në çdo kohë por ndërsa në mesditë duket sikur s’pipëtin miza nga qetësia që krijon, çka të bën të mendosh se ndoshta edhe pukjanët ashtu si shkodranët flenë në zheg, aty nga darka xhiroja e mbrëmjes i jep një nur tjetër kësaj hapësire e cila shërben edhe për organizimin e aktiviteteve të ndryshme kulturore….

Këtë verë. Eja në Pukë…

Parku rekreativ i liqenit është I mbuluar i gjithi nga gjelbërimi dhe tashmë i plotësuar edhe me sinjalistikën e tabelave me emërtime shumë origjinale. Në hyrje të tij ndodhet një ekran I madh gjigand që pasqyron bukuritë e zones ndërsa melodisë së ëmbël të zogjve i bashkohet edhe pamja e këtyre shpendëve si për ta plotësuar oazin e qetësisë që çdokush do të donte ta përjetonte.

Këtë verë. Eja në Pukë…

Puka është e famshme edhe për birrën e saj mjaft cilësore, një birrë e prodhuar në mënyrë artizanale me ujin e bjeshkëve të malësisë…

E sot kete birre e gjen ne 80% te bareve ne mbare vendin

Këtë verë. Eja në Pukë…

Kjo që treguam nuk është e gjitha nga ajo që mund të vizitoni në Pukë, por vetëm një pjesë e saj, pasi 24 orë janë të pamundura për të zbuluar sekretet që fsheh ky qytet alpin në zemër të veriut shqiptar, por më shumë se çdo gjë, Puka është e gatshme t’i hapë derën dhe zemrën kujtdo që vjen në sofrën e saj bujare…/CNA.al

Këtë verë. Eja në Pukë…