web counter
LEXO PA REKLAMA!

SHKARKO APP

App Store
Google Play

E fundit!

x

I shpëtoi tre atentateve/ Kush ishte Gentian Bejtja, ish polici i burgjeve

2024-03-15 17:04:00, Kronika CNA

I shpëtoi tre atentateve/ Kush ishte Gentian Bejtja, ish polici i burgjeve

Pasditen e sotme është ekzekutuar me armë zjarri ish-polici i brugjeve, Gentian Bejtja.

Ai është vrarë në oborrin e banesës së tij në fshatin Larushk.

Por Gentian Bejtja nuk është një emër i panjohur për drejtësinë shqiptare.

Në janar të 2022 u qëllua me armë zjarri së bashku me shtetasin Klodian Stafuka.

Ata u qëlluan teksa lëviznin me makinë pranë shkollës së fshatit Larushk në zonën e Fushë Krujës, ndërsa Bejtja mbeti i plagosur në krah.

Në shtator të vitit 2016, ndaj tij është organizuar një atentat me tritol.

Bejtja po udhëtonte me makinën e tij tip “Tuareg”, me targë “AA 020 BH”, në fshatin Nikël të Krujës, kur nga poshtë mjetit shpërtheu eksplozivi që e dëmtoi rëndë në këmbë.

Ai arriti t’i shpëtonte atentatit për shkak të sasisë së vogël të eksplozivit të vendosur, çka më pas, hetuesit e cilësuan si një paralajmërim.

Gjithashtu, Bejtja ishte personi që së bashku me Enver Stafukën vodhën veturën e përdorur në vrasjen e kryekomisar Dritan Lamajt në vitin 2013.

Enver Stafuka rezulton i zhdukur prej 8 vitesh. Ai u rrëmbye jashtë ambienteve të një lokali dhe s’dihet asgjë për fatin e tij.

Në korrik të vitit 2023, u ekzekutua dhe kunati i Gentian Bejtjas, Ramazan Sino.  





Lajmet e fundit nga