E motra humbi jetën nga dhuna e burrit, apeli i vëllait: Më ndihmoni të sjell trupin e Etlevës në Shqipëri

2023-10-30 12:03:00, Kronika CNA

E motra humbi jetën nga dhuna e burrit, apeli i vëllait: Më

Policia italiane

Erjon Kanolja, vëllai i Etleva Bodit, që humbi jetën në një spital të Italisë, pas dhunës së ushtruar nga burri i saj, kërkon që trupi i pajetë të dërgohet në Shqipëri. Vëllai i viktimës tregon se është lajmëruar nga nipi vetëm 13 vjeç për ngjarjen e rëndë, i cili e ka telefonuar “Daja, hajde shpejt”.

Përmes një ‘Gofoundme’, ai kërkon ndihmë monetare jo vetëm për të sjellë trupin e së motrës, por edhe për rehabilitimin e fëmijëve të mitur.

“Quhem Erjon Kanolja. Ngjarja e rëndë që ndodhi mbrëmjen e 27 tetorit në Savona të Italisë, i mori jetën motrës sime të pafajshme Etleva Bodi, e cila u bë viktimë e bashkëshortit të saj dhe e episodeve të tij të sëmura të xhelozisë. Lajmërohem atë mbrëmje nga nipi im, i cili është veçse një fëmijë 13 vjeç: “Daja, hajde shpejt”-, ishte thirrja e tij.

Ngjarja e rëndë në Itali:

Burri shqiptar, Selami Bodi tentoi të mbyste gruan e tij në banesën ku jetonin në Savona të Italisë. Etleva Bodi u përpoq të mbijetonte pas qëndrimit 48 orë në spital, por nuk ia doli dot.

41-vjeçari Selami Bodi, pasi kreu e aktin e rëndë, njoftoi vetë urgjencën e spitalit, ndërkohë që gruaja e tij ishte në gjendje shumë të rëndë shëndetësore. Dhuna e 41-vjeçarit ndaj gruas së tij ndodhi ndërkohë që në banesë ishin katër fëmijët e tyre që flinin në dhomën ngjitur.

Aktualisht Selami Bodi, i arrestuar nga karabinierët e komandës provinciale të Savonës të drejtuar nga komandanti i kompanisë Fabio Truddaiu, ndodhet në burgun në Marassi, i akuzuar për vrasje. Dyshohet se shkak i ngjarjes së rëndë ka qenë xhelozia./CNA