web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në Ekuador/ Përgjimet, zbardhet biseda mes Isamil Zenelit dhe djalit të Breçanit: Ishalla s’na del dardhë

2023-11-22 19:33:00, Kronika CNA
Vrasja në Ekuador/ Përgjimet, zbardhet biseda mes Isamil Zenelit dhe
Foto ilustruese

Pas çkodimit të aplikacionit SKY ka dalë në dritë vrasja e shqiptarit Ergys Dashi në Ekuador vite më parë.

Dashi ishte i përfshirë në trafikun e drogës.

Sipas detajeve të dhëna nga gazetarja Klodiana Lala është zbuluar biseda mes Ismail Zenelit dhe djalit të Erzen Breçanit,Eralb Breçani.

Të dy anëtarët e grupit kriminal kanë përmendur në bisedë Ergys Dashin, për të cilin kishin dyshime se mos i tradhtonte.

“Më datë 18 shkurt 2021, në portin e Valencias në Spanjë, është sekuestruar rreth 69 kg kokainë e fshehur në motorin frigoriferik në fund të kontejnerit, i cili transportonte fuçi me lëng limoni të ngrirë të koncentruar. Ngarkesa thuhet se kishte ardhur nga Brazili. Nga hetimet del se të dyshuar për këtë trafik janë Ismail Zeneli, Eralbi Breçani dhe Ergys Dashi, ky i fundit i ekzekutuar në Ekuador.

Ismail Zeneli ka patur rolin e porositësit dhe financuesit për blerjen e lëndës narkotike në vendin e origjinës, Brazil. Si edhe të nxjerrjes së lëndës narkotike nga porti i Valencias në momentin kur do të mbërrinte në këtë port e transportuar me kontenier. Artan Sulejmani ishte bashkëpunëtor i Zenelit, ndërsa Eralbi Breçani ka pasur rolin e porositësit dhe financuesit për blerjen e lëndës narkotike në vendin e origjinës, Brazil”, thuhet në dosje.

Ismail Zeneli flet me Besmir Murtatin: Duke qenë se nuk kanë besim tek Ergys Dashi për shkak se po vonon nisjen e lëndës narkotike nga Amerika e Jugut.

Në bisedë, Ismail Zeneli thotë: ‘Ishallah s’na del dardhë’./ CNA





Lajmet e fundit nga