web counter
LEXO PA REKLAMA!

SHKARKO APP

App Store
Google Play

SPAK përgënjeshtron veten/ Urdhri ishte vetëm për një gazetar

2022-06-16 20:38:00, Aktualitet CNA
SPAK përgënjeshtron veten/ Urdhri ishte vetëm për një
SPAK

Prokuroria e Posaçme kundër Korrupsionit dhe Krimit të Organizuar (SPAK), ka reaguar për vendimin që ndalon publikimin e dëshmive të të penduarit të drejtësisë, Nuredin Dumani.

SPAK deklaron se këtë urdhër ia ka adresuar vetëm një gazetari që ka publikuar disa të dhëna sekrete, që shkonin përtej vendimit të gjykatës.

SPAK deklaron se po kryen të gjitha veprimet hetimore të nevojshme për  të sqaruar rrethanat në të cilat informacioni hetimor sekret është transmetuar tek personat që më pas e kanë publikuar atë.

“Nisur  nga  interpretimet e bëra në media, lidhur me urdhrin  e prokurorëve të  Prokurorisë së Posaçme Kundër Korrupsionit dhe Krimit të Organizuar, datë 14.06.2022 ‘’Për ruajtjen e sekretit, ndalimin e publikimit  të akteve dhe përmbajtjes  së tyre’’ sqarojmë se ; Ky urdhër  i është komunikuar në datën 16.06.2022 gazetarit E.Q, kundrejt nënshkrimit për marrjen dijeni,  pasi gazetari  ka publikuar disa te dhëna sekrete, që shkonin përtej vendimit të gjykatës me objekt  caktimin e masave të sigurimit personal ‘’arrest në burg’,  në kuadër të procedimit penal nr.75/2022 dhe që në përputhje me nenin 295/a/4 të Kodit Penal përbëjnë akte sekrete  të procedimit penal nr.75/2022.

Sqarojmë se  Prokuroria e Posaçme Kundër Korrupsionit dhe Krimit të Organizuar, këtë urdhër  ia ka adresuar vetëm një gazetari dhe për arsyen konkrete të sipërcituar. Prokuroria e Posaçme Kundër Korrupsionit dhe Krimit të Organizuar, po kryen te gjitha veprimet hetimore të nevojshme  për  të sqaruar rrethanat  në të cilat informacioni  hetimor sekret është  transmetuar  tek personat që më pas e kanë publikuar atë, me qëllim vënien përpara përgjegjësisë të personit/personave që ka/kanë nxjerrë sekretin hetimor. Ne mirëkuptojmë interesin e mediave për informimin e opinionit publik, por ky interes nuk  mund  dhe nuk duhet të cënojë një hetim të filluar dhe as sigurinë publike apo individuale të personave emrat e të cilëve janë përmenduar gjatë hetimit, i  cili  vazhdon”, thuhet në deklaratën e SPAK./ B.A. - CNA.al





Lajmet e fundit nga