web counter
LEXO PA REKLAMA!

SHKARKO APP

App Store
Google Play

Protesta në Iran/ Berisha: Kryengritësit drejt fitores mbi diktaturën teokratike të Teheranit

2026-01-10 11:26:00, Aktualitet CNA

Protesta në Iran/ Berisha: Kryengritësit drejt fitores mbi

Kreu i PD-së Sali Berisha ka komentuar protestat që po zhvillohen në Iran, duke deklaruar se kryengritësit iranianë po shkojnë drejt fitores mbi diktaturën teokratike të Teheranit.

Berisha thotë se organizata e Muxhahedinëve të Popullit, opozita më e fuqishme e popullit iranian që lufton prej dekadash për një Iran të lirë dhe demokratik, po udhëheq këtë kryengritje të fuqishme dhe se në disa qytete të vendit pushteti është në duart e kryengritësve.

Po ashtu thekson se PD dënon me forcën më të madhe dhunën dhe terrorin shtetëror të regjimit diktatorial obskurantist të Teheranit ndaj kryengritësve.

“Kryengritësit iranianë drejt fitores mbi diktaturën teokratike të Teheranit.

Prej dy javësh në Teheran dhe qytete të tjera të Iranit, populli iranian është ngritur në protesta të fuqishme kundër regjimit obskurantist të ajetullahëve. Organizata e Muxhahedinëve të Popullit, opozita më e fuqishme e popullit iranian që lufton prej dekadash për një Iran të lirë dhe demokratik, po udhëheq këtë kryengritje të fuqishme. Në disa qytete të vendit pushteti është në duart e kryengritësve. Ajetullahët kanë marrë mercenarë nga vende të tjera. Garda Islamike dhe mercenarët kanë hapur zjarr kundër protestuesve dhe deri sot janë mbi 44 martirë të rënë për lirinë dhe dinjitetin e kombit të tyre.

Presidenti i SHBA, Donald Trump, ka paralajmëruar ajetullahët: “Mos qëlloni, se do t’ju qëllojmë.”

PDSh, duke dënuar me forcën më të madhe dhunën dhe terrorin shtetëror të regjimit diktatorial obskurantist të Teheranit ndaj kryengritësve, ju uron kryengritësve trima fitoren për një Iran të lirë, demokratik dhe sovran”, tha Berisha./ CNA





19:13 TODAY Grigels Muçollari

Flooding the state!

The recent floods in Albania are not just natural events. ...

Lajmet e fundit nga