web counter
LEXO PA REKLAMA!

SHKARKO APP

App Store
Google Play

Protesta e opozitës/ Mbi 1 mijë protestues nga Korça nisen drejt Tiranës

2024-02-20 11:51:00, Aktualitet CNA
Protesta e opozitës/ Mbi 1 mijë protestues nga Korça nisen
Foto iluestruese nga protestat e mëparshme

Në protestën e thirrur nga opozita ditën e sotme në orën 17:30, pritet që nga qarku Korçë të nisen rreth 1470 qytetarë.

Nga komunikimi që kemi patur me drejtuesit e degëve të Partisë Demokratike nuk ka organizime të mirëfillta, por të gjithë protestuesit do të nisen me mjete private.

Mësohet se nga dega e PD Korçë, do të nisen rreth 700 protestues, qytetarë dhe anëtarë të kësaj partie. Bëhet me dije se nga Devolli pritet të nisen 250 protestues, nga Maliqi 200 protestues, nga Pogradeci 300 protestues, dhe nga dega e PD Kolonjë rreth 20 protestues.

Protesta e sotme do të mbahet në kryeqytet, ndërsa pritet të jetë një protestë masive por e thirrur për të qenë paqësore. Dy ditë më parë, dy deputetët Flamur Noka dhe Gazmend Bardhi zhvilluan takimet e rradhës me strukturat e Partisë Demokratike të qarkut Korçë ku ndër të tjera ndanë edhe fletëpalosje duke u bërë thirrje qytetarëve të bashkohen me opozitën.

Ndërkohë në kryeqytet policia ka nisur me masat për protestën. Mbi 1100 forca policie do të jenë sot në protestë për mbarëvajtjen e saj. 

Ndërkohë, dyert e Kryeministrisë do të mbulohen me veshje metalike si dhe do të bllokohet bulevardi "Dëshmorët e Kombit" . 

Po kështu, do të ketë edhe autobotë me ujë nëse do të ketë nevojë në raste incidentesh.

Segmentet rrugore që janë të bllokuara 2 orë para nisjes së protestës deri në përfundim të saj janë:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”./CNA 





Lajmet e fundit nga