Në pranga për spiunazh/ Blogerja ruse merret në pyetje nga agjentët e antiterrorit

2022-08-30 17:22:00, Aktualitet CNA

Në pranga për spiunazh/ Blogerja ruse merret në pyetje nga

Svetlana Timofoeva

CNA.al raportoi sot se Svetlana Timofoeva, 33-vjeçarja ruse e akuzuar si spiune, nuk ka qëndruar asnjë ditë në qeli, por po mbahet në spitalin e burgut.

Burime zyrtare për CNA.al bëjnë me dije se sot në mesditë blogerja ruse është marrë në pyetje nga disa agjentë të antiterrorit.

Gjithashtu mësohet se ajo u mor në pyetje në ambientet e spitalit të burgut, ku po mbahet për arsye sigurie.

Siç raportoi edhe më parë CNA.al, Timofoeva ka kërkuar të dërgohet në burgun e grave, si dhe të ketë kontakt dhe me avokatin e saj.

Ekskluzive/ E akuzuar si spiune, 33-vjeçarja ruse asnjë ditë në qeli, mbahet në spitalin e burgut
30 Gusht, 16:28

Aktualisht ajo po mbahet ende e izoluar, pa pasur asnjë kontakt, qoftë me gra të burgosura, apo edhe avokatin e saj.

Kujtojmë se Timofoeva u arrestua rreth 10 ditë më parë bashkë me 24-vjeçarin rus, Mikhail Zorin, dhe një shtetas me pasaportë ukrainase, të identifikuar si F.A, 25 vjeç.

Ata tentuan të hynin në uzinën ushtarake të Gramshit, duke lënduar edhe dy efektivë të Forcave të Armatosura të Shqipërisë.

Disa orë pas ngjarjes, kryeministri Edi Rama dhe ministri i Mbrojtjes, Niko Peleshi, thanë se të tre të arrestuarit dyshohen për spiunazh./ B.A. - CNA.al