web counter
LEXO PA REKLAMA!

SHKARKO APP

App Store
Google Play

E fundit!

x

Sulmet kibernetike/ Majlinda Bregu flet me shifra, paralajmëron rritje të tyre

2022-09-04 18:57:00, Aktualitet CNA
Sulmet kibernetike/ Majlinda Bregu flet me shifra, paralajmëron rritje
Sekretarja e Këshillit të Bashkëpunimit Rajonal (RCC), Majlinda Bregu

Sekretarja e Këshillit të Bashkëpunimit Rajonal (RCC), Majlinda Bregu, ka folur me shifra përsa i përket sigurisë së qytetarëve nga dixhitalizimi.

Duke iu referuar statistikave, Bregu thotë se në vitin 2021 çdo 11 sekonda konsumatorët ose bizneset ranë pre e sulmeve kibernetike, ndërsa paralajmëron se në 2031-shin kjo do të ndodhë çdo 2 sekonda.

Me anë të një statusi në rrjetet sociale, ajo shprehet se sot 75% e gjithë popullsisë së botës është në internet, ndërsa në vitin 2030 do të jetë 90%.

Bregu thekson se RCC po përpiqet të nxisë sa më shumë agjenda rajonale të koordinuara në fushën digjitale për të mbrojtur të mirët, të pafajshmit, sigurinë personale dhe atë kombëtare nga kriminelët.

Ajo nënvizon se në datat 5-6 shtator në Prishtinë, 12 ekipe me të rinj nga rajoni do të prezantojnë produktet e tyre në lidhje me sigurinë nga sulmet kibernetike.

Statusi i plotë i Majlinda Bregut:

“Çdo epokë do të ketë Faustin e vet,”- thoshte Kierkeegard.

E vërteta është se ne jemi të gjithë nën një nyje faustine.

Interneti na ka ndryshuar jetën.

Në vitin 2021 çdo 11 sekonda konsumatorët ose bizneset ranë pre e sulmeve kibernetike, të njohura si ransomware.

Sulmet kibernetike/ Majlinda Bregu flet me shifra, paralajmëron rritje

Në 2031 kjo do të ndodhë çdo 2 sekonda. Edhe Instagrami ynë u hakërua, muajin që shkoi. Lufta kundër “armiqve” digjitalë nuk është e lehtë dhe as shaka.

E megjithatë ne çdo ditë e më shumë po jetojmë në botën digjitale. Miqtë i kemi edhe virtualë, blerjet i bëjmë online, çertifikatat e lindjes e të vdekjes po ashtu i gjen online.

Vlera e tregut global të transformimit digjital ishte 608.72 miliardë dollarë në 2021.

75% e gjithë popullsisë së botës është në internet, në vitin 2030 do të jetë 90%.

Teknologjia e informacionit dhe e komunikimit (TIK) është përgjegjëse sot për 5-9% të përdorimit global të energjisë.

Mund të vazhdoj me shifra pa fund, por ato nga rajoni po i lë për në Prishtinë , Kosovë. Aty ku 93% e të rinjve përdorin internetin. Më shumë se në cdo vend tjetër të rajonit dhe ku do të zhvillojmë finalen e Balkatjon 3.0.

Nga një ide e lindur gjatë pandemisë, 9 produkte të reja dixhitale të prodhuara në Ballkanin Perëndimor iu shtuan në 2 vitet e fundit, atyre ekzistuese, duke e bërë Balkathon një markë të RCC për të cil?n jemi  krenarë.

Ku jemi ne këtu?

Duke u përpjekur të nxisim sa më shumë agjenda rajonale të koordinuara në fushën digjitale.

Më inovative, më të guximshme, më të shpejta, më të zgjuara, më digjitale dhe mbi të gjitha, me rregulla. Për të mbrojtur të mirët, të pafajshmit, sigurinë personale dhe atë kombëtare nga kriminelët.

5-6 shtator në Prishtinë, 12 ekipe me të rinj nga rajoni  do të prezantojnë produktet e tyre.

6 më të mirët do të fitojnë dhe të shpresojmë se do të pushtojnë tregjet tona dhe pse jo, ato./ B.A. - CNA.al





Lajmet e fundit nga