web counter
LEXO PA REKLAMA!

SHKARKO APP

App Store
Google Play

BSH: Shtohet me 1.18 miliardë lekë Fondi i Ndërhyrjes së Jashtëzakonshme

25 Maj 2026, 17:00, Ekonomi CNA

Banka e Shqipërisë ka njoftuar se në prill 2026, Fondi i Ndërhyrjes së Jashtëzakonshme u shtua me 1.18 miliardë lekë nga arkëtimi i kontributit vjetor të bankave.

Në total, pas derdhjes së kontributit vjetor të bankave për nëntë vite që nga themelimi i tij, Fondi i Ndërhyrjes së Jashtëzakonshme arrin në nivelin prej 8.22 miliardë lekë.

Sipas afatit të përcaktuar në ligj, Fondi i Ndërhyrjes së Jashtëzakonshme duhet të arrijë vlerën 9.4 miliardë lekë brenda vitit 2027. Për plotësimin e këtij niveli të synuar, gjatë vitit 2026 kontributi vjetor i sektorit bankar u përllogarit sipas rregullores nr. 56/2017 “Për Fondin e Ndërhyrjes së Jashtëzakonshme dhe procedurat administrimit të tij” dhe rezultoi në vlerën 1.18 miliardë lekë.

Ky kontribut vjetor, i nënti në radhë gjatë periudhës 2018-2026, u pagua i plotë dhe në mënyrë proporcionale nga të gjitha bankat e sektorit, deri në datën 30 prill 2026.

Fondi i Ndërhyrjes së Jashtëzakonshme u krijua në vitin 2018, për qëllime të zbatimit të instrumenteve të ndërhyrjes së jashtëzakonshme nga Banka e Shqipërisë.

Në zbatim të ligjit nr.133/2016 “Për rimëkëmbjen dhe ndërhyrjen e jashtëzakonshme në banka, në Republikën e Shqipërisë”, fondi duhet të arrijë nivelin e synuar prej 0,5% të totalit të detyrimeve të sistemit bankar, brenda 10 viteve nga hyrja në fuqi e ligjit.

Këto detyrime llogariten si diferencë midis aktiveve totale dhe kapitalit rregullator të të gjitha bankave të licencuara në Republikën e Shqipërisë. Bankat paguajnë kontribute të rregullta vjetore, me qëllim plotësimin e nivelit të synuar të fondit.





Lajmet e fundit nga