web counter
LEXO PA REKLAMA!

SHKARKO APP

App Store
Google Play

E fundit!

x

Zhupa: Alarmi i Reporterëve pa Kufij u vërtetua në protestën e djeshme

9 Maj 2026, 16:48, Aktualitet CNA

Zhupa: Alarmi i Reporterëve pa Kufij u vërtetua në protestën

Deputetja e Partisë Demokratike, Ina Zhupa, ka reaguar përmes një postimi në rrjetet sociale, për hedhjen e ujit me presion nga policia kundrejt protestuesve, ndërsa janë prekur dhe gazetarët e operatorët e mediave.

Zhupa e ka cilësuar atë një sulm të drejtpërdrejtë ndaj lirisë së medias dhe informimit. Deputetja iu referua edhe raportit të Reporterëve pa Kufij, sipas të cilit gazetarët që mbulojnë protesta shpesh bëhen viktima të dhunës policore.

Reagimi i plotë i Ina Zhupës:

“Gazetarët që mbulojnë protestat bëhen viktima të dhunës policore”, shkruante vetëm pak ditë më parë raporti i Reporterëve pa Kufij. Fatkeqësisht ky alarm ndërkombëtar, u vërtetua sërish dje në protestën e opozitës.

Pamjet tregojnë qartë sulmin ndaj operatorëve dhe gazetarëve që ishin në krye të detyrës, duke dokumentuar zhvillimet në terren. Gazetarja Marsi Korreshi e Syri tv godit dy herë nga uji me presion në distancë shumë të afërt dhe në drejtim të fytyrës, ndërsa goditja e dytë dhe e rrëzoi në tokë.

Dhuna ndaj medias është dhunë ndaj lirisë së informimit dhe një tregues i rrezikshëm i sjelljes së një narkopolicie që nuk i përgjigjet ligjit, por urdhrave politikë.

Asnjë uniformë nuk e vendos policinë mbi Kushtetutën dhe mbi të drejtat themelore të qytetarëve. Detyra e policisë është të garantojë rendin dhe sigurinë, jo të godasë gazetarët dhe të intimidojë median. Këto akte duhet të dënohen dhe autorët të mbajnë përgjegjësi. /CNA





Lajmet e fundit nga