web counter
LEXO PA REKLAMA!

SHKARKO APP

App Store
Google Play

E fundit!

x

Zhdukja e 34-vjeçarit dhe vrasja në Paskuqan/ Policia Tiranë jep detaje për ngjarjet e rënda

13 Qershor 2026, 11:32, Aktualitet CNA

Zhdukja e 34-vjeçarit dhe vrasja në Paskuqan/ Policia Tiranë

Drejtori i Policisë së Tiranës, Oliger Torba, ka bërë një bilanc të punës për muajin maj dhe dy javët e para të qershorit, duke u ndalur gjerësisht te disa nga ngjarjet më të rënda kriminale që kanë tronditur kryeqytetin.

Gjatë konferencës për shtyp, fokusi kryesor ishte vrasja e ndodhur pak ditë më parë në Paskuqan dhe zhdukja misterioze e 34-vjeçarit Eglant Koçi.

Për vrasjen e 27-vjeçarit në Paskuqan, ku autori i dyshuar Sadik Llanaj është ende në arrati, drejtori Torba bëri të ditur se policia ka ndërmarrë një operacion të gjerë për kapjen e tij.

“Në lidhje me autorin e dyshuar të vrasjes, Sadik Llanaj, gjej rastin të falënderoj qytetarët sepse kemi pasur një bashkëpunim të ngushtë. Për këtë arsye, është ngritur një grup duke marrë parasysh rrezikshmërinë e tij, janë ushtruar mbi 20 kontrolle banesash. Aktualisht vijon puna për kapjen e tij, për shkak edhe të rëndësisë së operacioneve vijojnë të angazhohen forcat RENEA dhe besojmë që shumë shpejt do të kapet ky person. Kemi pasur informacione shumë të vlefshme nga qytetarët”, tha ai.

Në lidhje me zhdukjen e Eglant Koçit, një ngjarje që policia e vlerëson si sensitive, kreu i Policisë së Tiranës sqaroi se është ngritur një grup i posaçëm hetimor që po ndiqet nga Struktura e Krimeve të Rënda. Sipas Torbës, hetimet janë bazuar në indicie të marra nga familjarët dhe kërkimet për gjetjen e trupit të 34-vjeçarit janë përqendruar kryesisht në rrethinat e Tiranës. Në këtë proces, policisë i është bashkuar edhe ndihma nga FSK-ja, megjithatë deri në këto momente nuk ka një rezultat konkret.

"Ndërsa për zhdukjen e Eglant Koçit, ngjarje goxha sensitive, nga ana jonë është ngritur një grup i posaçëm hetimor. Indicia është marrë nga familjarët e të dyshuarit, të humburit. Hetimi po ndiqet nga Struktura e Krimeve të Rënda. Është një strukturë e posaçme që po kërkon trupin e tij, kërkimet janë përqendruar kryesisht në rrethinat e Tiranës, mes kufirit ndarës të Elbasanit. Krahas forcave tona, na ka ardhur në ndihmë edhe nga FSK-ja. Vijon kërkimi, deri tani nuk kemi një rezultat konkret. Janë kontrolluar shumë zona që kishim dyshimet tona, nuk kemi ndonjë rezultat", tha policia. 

Përveç këtyre dy rasteve, Drejtoria e Tiranës ka dokumentuar brenda një kohe të shkurtër edhe pesë ngjarje të tjera të rënda kriminale, mes të cilave plagosjen e një punonjësi policie si dhe vjedhjen me armë të një argjendarie në Kamëz.

Gjatë kësaj periudhe, Policia e Tiranës ka evidentuar 1436 vepra penale, me një përqindje zbardhjeje prej 92.6%./ CNA





Lajmet e fundit nga