web counter
LEXO PA REKLAMA!

SHKARKO APP

App Store
Google Play

E fundit!

x

Siguria rrugore në Shqipëri/ Raporti i DASH: Aksidente të shpeshta, problem mosrespektimi i rregullave

28 Korrik 2026, 18:59, Aktualitet CNA

Siguria rrugore në Shqipëri/ Raporti i DASH: Aksidente të

Siguria rrugore, sipas raportit të fundit të hartuar nga struktura OSAC e Departamentit amerikan të Shtetit, është një ndër elementët që kërkon kujdes të veçantë në Shqipëri.

Sipas raportit, drejtimi i automjetit në Shqipëri mund të jetë i vështirë, pasi udhëtarët hasin rregullisht shoferë të pasigurt në të gjithë vendin dhe mosrespektimi i ligjeve të trafikut është i përhapur. Aksidentet rrugore janë të shpeshta dhe në mënyrë të përsëritur rezultojnë në lëndime serioze ose vdekje.

Raporti ndalet edhe te gjendja e rrugëve në Shqipëri, teksa vlerësohet se rrugët kryesore midis qyteteve zakonisht janë autostrada të shtruara. Shumë rrugë më të vogla në fshatra ose lagje janë kryesisht me dhe dhe shkëmbinj dhe janë në gjendje të keqe. Në dimër, rrugët nëpër malet në veri të Shqipërisë mund të jenë me dëborë dhe të akullta. Përmbytjet e menjëhershme mund të ndodhin në çdo kohë, duke hapur gropa të thella dhe të gjera, veçanërisht në zonat periferike.

“Drejtimi i automjetit gjatë natës është i rrezikshëm, me rrugë që nuk kanë ndriçim të duhur. Shmangni udhëtimin natën midis qyteteve për shkak të rrezikut të aksidenteve automobilistike”,-vijon raporti.

Gjithashtu, raporti vlerëson se shërbimet e karburantit dhe riparimit janë të zakonshme në zonat e populluara, por nuk ka asistencë zyrtare në rrugë.

Po ashtu, ky raport ngre shqetësimin se shërbimet e reagimit ndaj emergjencave janë të pamjaftueshme, pasi ndërhyrësit e parë kanë trajnim dhe pajisje të kufizuara mjekësore, ndërsa viktimat e aksidenteve shpesh duhet të transportohen në spitalin më të afërt me makinën e një kalimtari./CNA





Lajmet e fundit nga